Letersi
Zef Leka – Kur perëndon dielli
Zef Leka – Kur perëndon dielli
Mbeta gjithë ditën hijeve
Se m’thanë në hije rri:
Etjen e shova krojeve
Krojeve ku pin ti.
Flaka ju raft-o hijeve,
Qi s’mujten me m’freskue;
Turbull asht uji i krojeve,
Se etjen s’kan shue.
Po t’jemi bashkë ne të dy
Do t’na shikojnë me zili,
E do t’na flasin nder sy,
Sa duhemi unë dhe ti.
Kur perëndon dielli majave
Dhe muzgut rrugë i lshon;
Sa kandshm iu thrret deleve
Kur stanit nis e i çon.
Besa u mërzita majave,
Gjithë ditën kep e n’kep;
Kur zanin ju lshon deleve,
Pse ti përgjigjen s’jep.
Po t’jemi bashkë ne të dy
Do t’na shikojnë me zili
E do t’na flasin nder sy,
Sa duhemi unë dhe ti.
Vazhdo leximin
Duhet të jeni i kyçur në mënyrë që të mund të lini një koment Kyçu