Harmonia fetare në Shqipëri ka dhënë mbrëmë një tjetër shembull të respektit të ndërsjelltë midis besimeve fetare, aq shumë të vlerësuar edhe nga të huajt. Por rasti i mbrëmjes së djeshme është edhe më unikal në llojin e tij. Të mbledhur në Berlin në një konferencë me tematikë tolerancën fetare, përfaqësueit e komuniteteve fetare në Shqipëri dhë kryetarja e Kulteve pritën në tavolinë për të ngrënë darkën për rreth 2 orë deri në orën 21.30 në shenjë respekti ndaj agjeruesve në grup. Siç shikohet edhe në foto në tryezë janë Dom Gjergj Meta nga Kisha Katolike, Baba Mondi Kryegjysh Botëror i Bektashinjve, Gazmend Aga nga Komuniteti Mysliman, Hiresia e tij Andoni​ nga Kisha Ortodokse Autoqefale e Shqipërisë, Pastor Ylli Doçi ​Kryetar i Vëllazërisë Ungjillore të Shqipërisë si edhe Donika Hoxha ​Drejtore në Ministrinë e Punëve të Jashtëme, si edhe Loreta Aliko​ Kryetare e Komitetit Shtetëror per Kultet.

Delegacioni i ftuar në Berlin për të shpjeguar modelin e harmonise fetare në Shqiperi, do të marrë pjesë në Mëngjesin e Lutjeve, organizuar nga Konferenca e 22-të Ndërkombëtare e Berlinit me praninë e Presidentit të Bundestagut Prof. Dr. Norbert Lammert/ D. L