Më 26 prill Sali Berisha ka folur për marrëveshje të re në ‘Tonight Ilva Tare’. Asnjë titull rreth këtij lajmi. Madje as nuk u mor njeri me të. Një deklaratë e cila ka kaluar pa u kapur për shkak edhe të kontekstit, ku ishte e vështirë të mendoje se Berisha kërkonte marrëveshje apo PD? Kemi transkriptuar pjesën kur flet për një marrëveshje të re Sali Berisha, në intervistën e tij të 26 prillit për gazetaren Ilca Tare.

Sali Berisha: “Mendoj vendi ka nevojë për një marrëveshje të re, nuk jam vetëm unë…Mendoj se kurrë ndryshimet kushtetuese duhet të jenë frymëzuese për konkludimin e një marrëveshje të re dhe këtyre politikanëve do t’u mbetet merita e marrëveshjes së re. Me gjera të pjesshme asgjë nuk zgjidh. PO vetëm një marrëveshje e re që do ta anëtarësonte Shqipërinë të sigurt në Bashkimin Evropian”.

Dy ditë më parë kreu i PD-së, Lulzim Basha dhe kryeministri Edi Rama arritën një marrëveshje mes tyre, që siç e quajti Rama nuk ishte një ‘McAllister plus’ pos një ‘Big MC’.