Fillimet e karrierës së tij, Drini Zeqo i ka pasur në ekranin e Top Channel në Top Select. Në një intervistë për IN TV me Klevi Kadillin ka zbuluar arsyen e largimit nga ekrani i televizionit Top Channel.

“Paguhesha 250-300 mijë në muaj. Pas largimit të Enkel Demit nga lajmet, ma ofruan mua si vend pune dhe rroga vazhdonte të ishte e njëjtë. Pastaj më erdhi një ofertë tel “Alsat” që ishte sa trefshi i rrogës që merrja dhe duhet ta merrja në konsideratë. Punova tre vjet atje, pastaj erdha në Klan,” tregon Drini, që gjithnjë ka dashur ‘të jetë i famshëm’!

Kur ishte i vogël mendonte të bënte gjithçka që të njihej nga të gjithë, aktor, politikan, apo gazetar. “Jam me shumë fat, por edhe kam punuar për të gjetur fatin. Kam punuar në televizione kur kanë qenë në periudhat e tyre më të mira,” përfundoi Drini që aktualisht është rikthyer sërish në Klan në pozicionin e spikerit të lajmeve.