Basha besim tek të rinjtë, ja si i vlerëson ai aktivistët e Njësisë 7

Partia Demokratike me sa duket po përgatit bazat për protestën e 18 shkurtit që do zhvillohet në Tiranë, e për këtë ajo ka nevojë për rininë. Sot lideri opozitës Lulzim Basha ishte në takim me aktivistë e të rinj të njësisë 7 në Tiranë, i shoqëruar sigurisht nga kryetari i FRPD, Belind Këlliçi. Ajo që u ra në sy në këtë takim ishte fjalimi i Halit Valterit, kryekoordinatori e kësaj njësie, i cili spikati edhe tek Basha me fjalimin e tij dedikuar bashkëmoshatarëve:

Jo rrallë herë kemi dëgjuar të permendet fjala rini ditët e sotme, si sinonim i një fragmenti joefektiv të sistemit të parregullt shoqëror shqiptar. Në një kohë kur terma të tillë si rini duhet te simbolizojnë shpresë dhe besim tek e ardhmja, këtu ndodh diçka krejt tjetër.

Të shteruar nga mungesa e mundësive, të zhgenjyer nga sistemi i ngritur jo mbi vlerat dhe arritjet personale, por mbi forcën e mikut, parasë dhe krimit, të lodhur nga shfytëzimi i energjive të tyre për përfitime klienteliste e korruptive, të rinjtë, çdo ditë e më shumë po kërkojnë shpëtim dhe hedhin sytë drejt vendeve të BE-së.

Po të mundohemi të krijojmë një listë me krimet që pushteti i sotëm ië papërgjegjshëm ka kryer dhe vazhdon ti kryej të ardhmes së Shqipërisë, nuk do na dilnin as dokumenetet e privatizimeve të turpshme, as faturat të pamundura për tu paguar nga një popull çdo ditë e më i varfër dhe as letrat ku ruhen të dhënat e pasurisë së oborrit oligark.

Por ne nuk do qëndrojmë rrime duarkryq. Ne do ti tregojmë Shqipërisë dhe shqiptarëve se ekziston një forcë e madhe, që me çdo pengesë e me çdo kusht, do të ecë përpara. Një forcë që i ka bazat në ideale dhe vlera ndryshe nga servilët e pushetit dhe parasë së pistë.

Një lëvizje që ka qëllim të zgjoj të rinjtë dhe jo vetëm, nga ky makth qeverisës dhe si pjesë e partisë përfaqësuese të barazisë dhe lirisë, të jap kontributin e vet të paçmueshëm për arritjen e qëllimit të përbashkët. Vetëm në këtë mënyrë, me të rinjtë, me ju që keni dëshirën e pafund për ndryshim dhe forcën e jashtëzakonshme për ta sjellë diçka të tillë, e ne mund t’ia dalim.

Dhe do ia dalim! Sepse koha nuk pret. E nesërmja është ajo për të cilën sot luftojmë. Përpjekja jonë nuk fillon tani dhe përgjatë një periudhe, pothuaj 1 vjeçare, ne kemi punuar zellshëm drejt zhvillimit FRPD, në një faktor pozitiv për PD me qëllimin e vetëm për të arritur fitore në zgjedhjet e ardhshme.

Por ne mund dhe duhet të bëjmë më shumë. Le të përdorim çdo resurs ashtu siç kemi bërë deri me sot, le ti krijojmë mundësinë çdo personi që e ndjen se diçka duhet të ndryshojmë, le ti paraqesim çdokujt faktin e panegociueshëm se, al