Radar
Eksperti Besmir Semanaj: Kostoja e mbylljes së Tik Tok, rreth 1 milion euro
Ekspert i IT, Besmir Semanaj ka deklaruar se kostoja e mbylljes së TIK TOK në vendin tonë është diku tek 1 milion euro.
“E para e punës u soll në Shqipëri pa kërkesën e ISP-ve, pra ISP nuk kanë bërë një kërkesë të tillë.
Unë jam personi i parë në Shqipëri që kam bërë denoncimin e kësaj pajisjeje.
Informacioni erdhi nga kolegë pranë ISP-ve, të cilët kundërshtonin vendosjen e një pajisjeje të tillë pranë këtyre institucioneve.
Pra ISP, nuk kanë bërë kërkesë, ne nuk e dimë e kujt ishte ideja e sjelljes së këtyre pasjisjeve.
Sepse nuk janë pajisje që mund të sigurohen brenda ditës.
Nuk e dimë sa kushtuan.
Me çmim reference kushton minimalisht 100-120 mijë euro një, pra i bie diku tek 1 milion euro kostoja e mbylljes së TIK TOK”, tha Semanaj në Ora News.
