“Një ditë, dikush më tregoi një gotë me ujë të mbushur përgjysmë dhe më pyeti: ‘A është gota gjysmë plot apo gjysmë bosh?’ Kështu që unë e piva të gjithë ujin. Nuk kishte më asnjë problem.”

– Alejandro Jodorowsky

“Zgjimi nuk është një gjë. Nuk është një qëllim, nuk është një koncept. Nuk është diçka që duhet arritur. Ai është një metamorfozë. Nëse një krimb do të mendonte për fluturën e bukur që do të bëhej, duke thënë: ‘Dhe pastaj do të kem krahë dhe antena,’ ai nuk do të bëhej kurrë flutur. Krimbi duhet të pranojë zhdukjen e vet gjatë transformimit. Dhe kur flutura e mrekullueshme zë vendin e tij, nuk mbetet më asgjë nga krimbi.”

– Alejandro Jodorowsky

“Ajo që përpiqem të bëj kur përdor simbole është të zgjoj pavetëdijen tuaj. Jam shumë i vetëdijshëm për atë që bëj, sepse simbolet mund të jenë të rrezikshme. Kur përdorim gjuhën normale, mund të vetëmbrohemi, sepse shoqëria jonë është një shoqëri gjuhësore, një shoqëri semantike. Por kur fillojmë të flasim jo me fjalë, por me imazhe, njerëzit nuk mund të vetëmbrohen më.”
– Alejandro Jodorowsky

“Shumica e regjisorëve i bëjnë filmat me sytë e tyre; unë i bëj filmat me testikujt e mi.”
– Alejandro Jodorowsky

“Unë nuk jetoj në Francë, unë jetoj brenda vetes sime.”
– Alejandro Jodorowsky

“Lejoni që Zoti juaj i brendshëm t’ju flasë, secilit prej jush. Tempulli është trupi yt dhe prifti është zemra jote: prej këtu fillon çdo vetëdije.”
– Alejandro Jodorowsky

“Dashuria është një shkëmbim heshtjesh.”
– Alejandro Jodorowsky

“Urithi është një kafshë që gërmon rrugëkalime në kërkim të diellit. Ndonjëherë ai arrin në sipërfaqe. Por kur sheh diellin, verbohet.”
– Alejandro Jodorowsky

“Situatat më groteske: të besosh se e njeh veten, të besosh se di diçka mbi një temë, të besosh se dikush ka gjykuar me paanësi absolute, të besosh se do të dashurosh dhe do të të dashurojnë përgjithmonë. Në bashkëbisedim, njerëzit mendojnë vetëm për një gjë dhe, në përpjekje për ta komunikuar atë, thonë diçka tjetër. Interlokutori dëgjon vetëm një gjë, por kupton diçka tjetër. Kur përgjigjet, nuk i përgjigjet pyetjes që i është bërë apo asaj që ka thënë dikush tjetër, por asaj që ka kuptuar. Rezultati përfundimtar: një bashkëbisedim mes njerëzish të shurdhët, të cilët, madje, nuk dinë as të dëgjojnë veten.”
– Alejandro Jodorowsky

“Kur ta gjeni dashurinë e vërtetë, është si një katastrofë, si një cunami. Si një tërmet, sepse i gjithë individualiteti yt, gjithçka që besoje se ishe, thyhet. Ti bëhesh një njeri tërësisht i ri. Nuk e dije kurrë se çfarë ishe. Dhe është katastrofë – por një katastrofë e mirë, jo një katastrofë e keqe.”
– Alejandro Jodorowsky