Emri i saj u rendit dy vite më parë në revistën prestigjoze amerikane “Forbes”, si një nga sipërmarrëset më të suksesshëm nën moshën 30 vjeç për Europën.

Kristi Çela, një nga yjet e fitnessit botëror, është një histori suksesi dhe frymëzimi për të rinjtë dhe të rejat jo vetëm në vendin tonë. Ajo emigroi vite më parë me familjen nga Shqipëria drejt Britanisë së Madhe. Kristi tregon se pavarësisht suksesit që ka sot, ka qenë vetëm 5-vjeç kur ashtu si shumë shqiptarë të tjerë emigroi në Britani të Madhe me varka e më pas me anë të një kamioni që transportonte banane. Kristi thotë se 15 vitet e para i kaloi duke u përpjekur të përshtatet me një kulturë krejt të re dhe duke kuptuar sesi do ecte përpara. E duket se ia ka dalë më së miri.

Sipas “Thenumbersgame”, si emigrante sipërmarrëse, Krissy Cela (@krissycela) u largua nga Shqipëria për në Mbretërinë e Bashkuar me një kamion dhe varkë dhe e ktheu biznesin e saj në një perandori fitnesi prej 70 milionë dollarësh.

Ajo vetëm pak kohë më parë arriti mbi 1 milion ndjekë. Poston shumë, komentohet po aq dhe ndiqet masivisht në rrjetet sociale, ndërsa aktiviteti i saj njeh vetëm rritje. “Kemi arritur 1 milion ndjekës aktive!!! A kam menduar ndonjëherë që do të arrinte një moment historik kaq të madh? Po.. ja që e arritëm. Pse? Për shkak se ekipi përbëhet nga njerëz të mrekullueshëm, të zotë, komuniteti është i pakrahasueshëm dhe misioni është më i madh se kushdo prej nesh. Një arritje kaq e madhe nga ekipi i OA”, thotë Kristi, duke i dhënë meritë për suksesin skuadrës që punon për sukses.

Kristi ka ndërtuar familjen, ka ngritur biznesin dhe shijon në Britani frytet e suksesit në sipërmarrje. Pak kohë më parë ajo ndau edhe rrugëtimin e saj të vështirë. Suksesi nuk ka qenë kurrë i lehtë për askënd.   

“Shpesh ose jo, ne shohim majën e ajsbergut, por jo atë që është poshtë. Ne shohim produktin përfundimtar, por jo udhëtimin që bën dikush për të arritur atje ku është sot. Ju kam treguar historinë time më parë, por, do ta them përsëri pasi është e nevojshme në botën e sotme. Unë isha një herë një vajzë refugjate shqiptare 5-vjeçare që emigroja në Britaninë e Madhe nga varka në këmbë deri në pjesën e pasme të një kamioni banane me familjen time”, shprehet ajo.

“I kalova 15 vitet e para të jetës sime duke u përpjekur të përshtatem me një kulturë krejt të re dhe duke kuptuar se si do t’i bëja këto botë konfliktuale të funksiononin në harmoni. Në një moment u ndjeva kaq konfuz me dy kultura të ndryshme, tani e kuptoj se sa me fat kam qenë gjatë gjithë kësaj kohe. Unë kuptoj njerëz nga sfera të ndryshme të jetës dhe e përdor atë për t’i kuptuar më mirë ata”, shprehet më tej në rrëfimin e saj Kristi.

Ndërkohë Kristi ka ndarë edhe një mesazh për të tjerët. “Ajo që dija atëherë dhe ajo që di tani është pavarësisht se sa “suksesshme” bëhet çdo gjë që po bëj, unë gjithmonë do të ndriçoj atë që kam qenë dikur… një vajzë refugjate 5-vjeçare që kishte nevojë vetëm për një dorë ndihmëse”.

Për vajzat dhe gratë që vuajnë nga ankthi, veç palestrës kompania e saj afron edhe terapi të shëndetit mendor.

“Kam takuar shumë njerëz që duan vetëm një jetë të sigurt. Unë duhet t’i ndihmoj gratë dhe t’u siguroj atyre një normalitet.”.

“Disa nga këta njerëz nuk kanë zgjidhje në jetën e tyre. Pra, nëse ka një gjë që mund t’ju them sot… bëhuni një oportunist, merrni shansin tuaj, bëni një zgjedhje dhe kuptoni se sa me fat jemi që të vendosëm se çfarë duam të bëhemi në të ardhmen”, thotë ajo.

Historia e Kristit tregon se talenti dhe përkushtimi shpërblehet edhe nëse mund të jesh emigrant në vende të tjera.