Seriali Adolescence është bërë shfaqja më e ndjekur në Netflix gjatë fundjavës, pasi u publikua javën e kaluar. Drama me katër pjesë ka marrë vlerësime të shumta nga kritikët duke u cilësuar si një shfaqje televizive historike.

Tom Peck nga The Times e përshkroi serialin si “një përsosmëri e plotë”, një mendim që u mbështet edhe nga Lucy Mangan e The Guardian, e cila tha se ishte “gjëja më e afërt me përsosmërinë televizive në dekada”.

Seriali tregon pasojat e vrasjes me thikë të një vajze adoleshente, me një 13-vjeçar të arrestuar për vrasjen e saj. Ai thekson ndikimin e rrjeteve sociale dhe influencerëve mizogjinistë te djemtë e rinj.

Stephen Graham, bashkë-krijues dhe aktor në serial, tha se u frymëzua për ta realizuar pas dy rasteve të veçanta ku djem të rinj vranë me thikë dy vajza për vdekje.

“Thjesht mendova, çfarë po ndodh në shoqëri ku raste të tilla po bëhen të zakonshme? Doja ta analizoja dhe të ndriçoja këtë çështje.” – u shpreh ai.