Vendi më i lumtur në botë ka arritur të mbajë vendin e parë për të tetin vit radhazi. Ndërsa Finlanda kryeson edhe një herë renditjen e Raportit Botëror të Lumturisë, Shtetet e Bashkuara – në vendin e 24 – ranë ndjeshëm në raportin e 2025-ës. Edicioni i 13 -të i raportit vjetor publikohet sot në Ditën Ndërkombëtare të Lumturisë së Kombeve të Bashkuara, 20 Mars.

Në Shtetet e Bashkuara dhe pjesë të Evropës, rënia e lumturisë dhe besimit social kanë kontribuar ndjeshëm në rritjen e polarizimit politik dhe votave kundër “sistemit”, thotë raporti.

Por hulumtimet globale tregojnë se njerëzit janë shumë më të sjellshëm nga sa presim.

Raporti bazohet në të dhënat e Gallup World Poll nga një pyetsor në më shumë se 140 vende. Vendet e botës janë renditur sipas lumturisë bazuar në vlerësimet mesatare të jetës së tyre gjatë tre viteve të mëparshme, në këtë rast 2022-2024 . Raporti është një partneritet i Gallup, Qendrës Kërkimore të Mirëqenies së Oksfordit, Rrjetit të Zgjidhjeve për Zhvillim të Qëndrueshëm të OKB-së dhe një bordi tjetër mediatik.

Anketa kërkon nga secili pjesëmarrës të shënojë jetën e tyre në tërësi dhe renditjet bazohen në vlerësimet e jetës. Raporti më pas analizon gjashtë variabla kyçe për të ndihmuar në shpjegimin e vlerësimeve të jetës: PBB-ja për frymë, mbështetja sociale, jetëgjatësia, liria, bujaria dhe perceptimet e korrupsionit.

Kosovarët edhe për vitin 2025 janë më të lumturit në rajon, sipas Raportit të fundit Botëror të Lumturisë. Kosova, ashtu si vitin e kaluar, mban vendin e 29-të në listën e shteteve më të lumtura në botë. Pas Kosovës, nga vendet e rajonit, Serbia renditet e 31-a, Mali i Zi i 71, Kroacia e 72, Maqedonia e Veriut e 86 dhe Shqipëria e 89. Korrupsioni dhe kujdesi shëndetësor duket se kanë ndikuar negativisht te shqiptarët e Shqipërisë.

Kur bëhet fjalë për lumturinë, vendet nordike kanë arsye pse duhet të krenohen. Për të tetin vit radhazi, Finlanda është vendi më i lumtur në botë, me fqinjët e saj afër.

“Vendet nordike si Finlanda vazhdojnë të përfitojnë nga sistemet e shëndetit, arsimit dhe mbështetjes sociale të disponueshme dhe me cilësi të lartë. Pabarazia e mirëqenies është gjithashtu e ulët,” tha Ilana Ron-Levey, drejtoreshë në Gallup.

Finlanda, Danimarka, Islanda dhe Suedia – katër të parat – mbeten në të njëjtin rend si në vitin 2024. Norvegjia mban vendin e 7-të.

Ndërsa sistemet e mbështetjes sociale që kujdesen për mirëqenien e banorëve janë të rëndësishme për renditjen nr. 1 të Finlandës, njerëzit luajnë gjithashtu një rol, sipas Helliwell.

Nordikët sopas studiuesve janë individë që kujdesen për njerëzit me e tjerë me të cilët jetojnë.

Mbi faktorë të tjerë që kontribuojnë gjithashtu në performancën e fortë të Finlandës disa ekspertë finlandezë tregojnë unitetin dhe besimin që doli nga Lufta e Dimrit në 1939-40, e njohur si Lufta Ruso-Finlandeze.

Dy vende të Amerikës Latine – Kosta Rika në vendin e 6-të dhe Meksika në vendin e 10-të – që të dyja hyjnë në top 10 për herë të parë në raportin e 2025-ës.

Holanda (nr. 5), Izraeli (nr. 8) dhe Luksemburgu (nr. 9) plotësojnë 10-shen e parë.

Afganistani (nr. 147) edhe këtë vit është sërish i fundit në listën globale. Sierra Leone (nr. 146), Libani (nr. 145), Malavi (nr. 144) dhe Zimbabve (nr. 143) përbëjnë vendet më të palumtura në botë.