Një video ku shihet miliarderi dhe CEO i Tesla dhe SpaceX, Elon Musk, duke u larguar nga një event i Donald Trump ndërsa djali i tij i vogël mbetet pas, ka pushtuar rrjetet sociale.

Djali i tij, X, vetëm 4 vjeç, shpesh shoqëron të atin në evente publike. Në pamjet që kanë grumbulluar mbi 10 milionë shikime, vogëlushi shihet duke zbritur shkallët metalike, duke u mbajtur pas kangjellave, i pashoqëruar nga një i rritur. Ndërkohë, Musk ecën drejt turmës, pa e vënë re që djali i tij ka mbetur prapa.

Ende nuk dihet çfarë ndodhi më pas, pasi kamera ndaloi së ndjekuri lëvizjet e Musk, por komentet në rrjet shpërthyen menjëherë. Shumë përdorues e kritikuan ashpër sipërmarrësin, duke thënë se ai e vendosi djalin në një situatë të rrezikshme dhe se “e harroi plotësisht” praninë e tij.

Disa komentues madje spekuluan se Musk e merr të birin në evente thjesht “për show”.

Nga ana tjetër, edhe këngëtarja Grimes, nëna e vogëlushit X, ka shprehur pakënaqësi ndaj Musk. Ajo e akuzoi atë se e trajtonte djalin e tyre si një “suvenir” duke e çuar në Zyrën Ovale pranë Donald Trump.