Radar
Edona Llalloshi, surpriza e madhe e Albin Kurtit në Kosovë, merr afro 30 mijë vota në zgjedhje
Albin Kurti dhe Edona Llalloshi
Kutitë e votimit vijojnë të numërohen në Kosovë, teksa sipas KQZ deri më tani janë numëruar rreth 78% të qendrave të votimit për votat e kandidatëve në zgjedhjet parlamentare të 9 shkurtit.
Dhe procesi i numërimit ka nxjerrë surpriza. Një ndër to është këngëtarja e njohur Edona Llalloshi, me të cilën u befasuan të gjithë kur Albin Kurti e bëri pjesë të listës së kandidatëve.
Ajo mbante numrin 19 në listë dhe sipas mediave në Kosovë deri më tani ka siguruar një numër të konsiderueshëm votash, në krahasim me emra të tjerë të njohur në radhët e Vetëvendosjes.
Edona Llalloshi pritet të ketë deri në afro 30 mijë vota, një rezultat ky befasues për një kandidate që vjen nga fusha e artit.
Mbetet të shihet nëse këngëtarja do të arrijë të sigurojë një ulëse në Kuvend, por ky rezultat i deritanishëm dëshmon për një përkrahje të madhe që ajo ka fituar në këtë garë politike.
