Mix
“Gaza 2035″/ Netanyahu zbulon imazhet e krijuara nga AI, kjo do jetë “Riviera” e re
Në fazën përfundimtare të skemës, palestinezët do të qeverisin rripin në mënyrë të pavarur pas nënshkrimit të Marrëveshjes së Abrahamit.
Foto ilustruese
TEL AVIV- Benjamin Netanyahu ndau një vizion të detajuar për Gazën vetëm disa muaj përpara se Donald Trump të zbulonte planet e diskutueshme për enklavën. I kompletuar me imazhe surreale CGI, kryeministri izraelit zbuloi një plan për të rizhvilluar Gazën në një vendbanim idilik urban dhe rural. Propozimi i bën jehonë skemës së Trump për të rindërtuar Gazën për ta kthyer në “Rivierën e Lindjes së Mesme”
Dizajnet madhështore të quajtura “Gaza 2035” mund të kenë frymëzuar Trump për ta kthyer Gazën një qytet alla saudit prej 500 miliardë dollarësh. Synimi përfundimtar do të ishte kthimi i Gazës në një zonë të tregtisë së lirë vetëqeverisëse me platforma nafte në det të hapur dhe me fusha të energjisë diellore.
PAMJET E PLANIT:
Në pjesën e parë të planit, Izraeli do të shpenzonte 12 muaj për të siguruar se rajoni do ishte i liruar tërësisht nga Hamasi për të krijuar një “zonë të sigurt” – duke filluar nga veriu dhe duke vazhduar deri në jug.
Faza e dytë – e parashikuar të zgjasë nga pesë deri në dhjetë vjet – do të shohë një koalicion të vendeve arabe të formojnë një organ shumëpalësh të quajtur Autoriteti i Rehabilitimit të Gazës. Zyrtarët nga këto vende do të “mbikëqyrnin” përpjekjet e rindërtimit të Gazës.
Në fazën përfundimtare të skemës, palestinezët do të qeverisin rripin në mënyrë të pavarur pas nënshkrimit të Marrëveshjes së Abrahamit.
Netanyahu shmangi komentet për të ardhmen e Gazës për muaj të tërë, por propozimi iu dorëzua në fund të vitit 2023. Ai u hartua nga një grup biznesmenësh që janë kryesisht izraelitë – dhe të afërt me kryeministrin.
Ku do të zhvendoseshin palestinezët?
Trump tha se dy milionë palestinezë do të duhet të largohen nga Gaza para se të rizhvillohet. Ai tha se të zhvendosurit do të shkojnë në “fusha të ndryshme” – duke përfshirë Egjiptin dhe Jordaninë. Të dy vendet dhe kombet e tjera arabe e kanë hedhur poshtë këtë ide. Por ka pasur edhe pretendimet se palestinezët mund të zhvendosen në Irlandë./
