Kryesore
I referohet Sali Berishës me “Bufi i Kënetës”, Rama shpjegon tiparet e shpendit: I rrezikshëm, helmues dhe specie armiqësore
Edi Rama
Prej disa kohësh kryeministri Edi Rama, në deklaratat e tij publike i referohet kreut të PD si “bufi i Kënetës”.
Në një postim në Facebook, Rama kujdeset që të shpjegojë për të gjithë se çfarë është “bufi i Kënetës”.
“BUFI I KËNETËS është një plaçkitës folesh, i cili konsiderohet një rrezik edhe për shpendët shtëpiakë. Ai jeton mes zvarranikëve dhe amfibëve, me të cilët shuan edhe urinë. Trupi i tij grumbullon pesticidet dhe helmet kundër brejtësve, çka e bën helmues atë vetë. Konsiderohet edhe një specie shumë armiqësore ndaj diversitetit”, shkruan Rama.
Reagimi u bë menjëherë pasi përfundoi konferenca e kreut të PD-së, Sali Berisha, ku hodhi akuza ndaj Ramës dhe qeverisë së tij.
