Cardi B e ka akuzuar Presidentin Trump për dëmtimin e këpucëve të shtrenjta që ajo mbante në finalen e Super Bowl, dhe kërkon që ai të sjellë një nga të afërmit e saj, të deportuar, si kompesim.

Këngëtarja e hitit “I Like It” tha se prania e Trump në Super Bowl LIX në New Orleans shkaktoi një situatë të ngushtë sigurie, duke bërë që shërbimi i transportit VIP me karrocë golfi të pezullohej më herët.

Si pasojë, Cardi duhet të ecte më shumë seç kishte parashikuar, duke dëmtuar kështu këpucët e saj të shtrenjta Christian Louboutin, që kushtonin 3,000 dollarë.
Ajo publikoi dëmtimin në rrjetet sociale, duke e kritikuar Trump për faktin që ai u bë presidenti i parë në detyrë që mori pjesë në Super Bowl.

Cardi tha se ky incident e ka bërë ta urrejë edhe më shumë Trump, por gjithsesi ka një zgjidhje për ta lehtësuar dhimbjen e saj. Ajo sugjeroi se Trump mund të bëjë gjithçka të drejtë duke përdorur influencën e tij për të sjellë një nga të afërmit e saj, të deportuar, dhe ta kthejë atë në SHBA.