Edhe pse raporti i studentëve që regjistrohen në ciklet e studimeve bachelor është në rënie konstante vit pas viti, një fenomen i dukshëm është rritja e përqindjes së vajzave që diplomohen nga Universiteti i Tiranës, sipas të dhënave të INSTAT.

Nga 73% e vajzave që diplomoheshin në vitin 2017, ky raport ka arritur në 83% brenda një periudhe 7 vjeçare. Ndërsa raporti për djemtë ka ndjekur trajektore të kundërt.

“Ky ndryshim ndodhi kryesisht për shkak se shumë djem, pas regjistrimit në shkollë, vendosin në një moment të caktuar të ndërpresin studimet dhe të kërkojnë mundësi emigrimi. Kjo ka bërë që auditoret të mbushen me vajza vit pas viti,” thotë Erisa Dhamo, sociologe.

Një tjetër të dhënë interesante nga INSTAT është se dy fakultete të Universitetit të Tiranës kanë një raport të lartë pranije të vajzave në auditore.  Fakulteti i Ekonomisë dhe Fakulteti i Shkencave Sociale kanë përkatësisht 86% dhe 90% vajza të regjistruara.

/SCAN