Për të dytin vit radhazi, Cristiano Ronaldo kryeson renditjen e sportistëve më të paguar në botë, me të ardhura vjetore prej 251.7 milionë euro, nga të cilat 208 milionë vijnë nga kontrata e tij me Al-Nassr dhe 43.5 milionë nga sponsorizimet, sipas një studimi të industrisë sportive. 

Pas Cristiano Ronaldos, podiumi plotësohet nga basketbollisti Stephen Curry (147.8 milionë euro) dhe nga boksieri Tyson Fury (141.3 milionë euro).  

Cristiano është i vetmi sportist që ka fituar mbi 100 milionë euro në vit për tetë vite rresht, duke përfituar nga popullariteti i tij në rrjetet sociale, ku ka mbi 1 miliardë ndjekës. Arabia Saudite, me investimet e saj masive në sport, ka ndikuar në rritjen e pagave të yjeve. 

Pesë futbollistë në “Top 10” 

Midis dhjetë sportistët më të paguar, pesë janë futbollistë. Pas Cristiano Ronaldos vjen Leo Messi (129.7 milionë), Neymar (127.8), Karim Benzema (111.5) dhe Kylian Mbappé (105).  

Basketbollisti Lebron James me 128 milionë euro është i gjashti, ndërsa boksieri Oleksandr Usyk mban vendin e shtatë me 117 milionë euro.

Ndërsa Erling Haaland renditet i 24-ti (67.3 milionë), Vinicius dhe Salah ndajnë vendin e 38-të (52.8 milionë), ndërsa Mahrez (50 milionë), Mané (43.7) dhe Harry Kane (40) janë më poshtë në listë. 

Në dhjetëshen e sportistëve më të mirë janë pesë futbollistë, dy basketbollistë, dy boksierë dhe një lojtar golfi – spanjoli Jon Rahm.  Ai renditet i dhjeti me 101.7 milionë euro të ardhura.