Gjinekologe Mimoza Keta e ftuar në emisionin Dritarja e Doktorit në Dritare TV foli për të gjitha mitet që ekzistojnë gjatë një shtatzënie, për seksin dhe marrëdhëniet intime.

“Ka shumë mite popullore të cilat nuk janë të vërtetuara nga mjekësia shkencore sa i takon shtatëzënisë. Ka mite të pavërtetuara, të cilat më shumë lidhen me gjininë. Spermatozoidi ka materialin gjenetik XX apo XY, në bazë të të cilëve përcaktohet edhe gjinia nga ana shkencore. Metja shtatzënë dy ditë përpara ovulacionit do të ketë një foshnjë në gjini mashkullore, ose dy ditë më pas ovulacionit do të kenë një vajzë, por të gjitha këto janë mite të pavërtetuara me fakte shkencore.

Tabuja e planifikimit familjar është thyer, pasi sot çiftet kanë njohuri mbi planifikimin familjar. Madje unë kam punuar edhe në fshatra të thella, që kanë njohuri mbi planifikimin familjar. Të bësh planifikim familjar është të mendosh kur dhe sa fëmijë kërkon të kesh, në dëshirën e çiftit. Detyra e mjekut është të orientoj dhe të mbështes me informacion të gjitha çiftet. Së pari duhet vlerësur shëndeti riprodhues i gruas dhe bashkëshortit të saj.

Nuk mund të evitohen raportet seksuale. Nëse gruaja nuk paraqet rrezik dështimi, rrezik lindjeje para kohe dhe probleme të tjera të shtatzënisë, atëhere raportet seksuale mund të jenë normale, jo të dhunshme, por mund të kryen normalisht.”,-tha mjekja gjinekologe.