Radar
“PS merr mbi 50% të votave nëse zgjedhjet bëhen sot, Rama më i pëlqyeri” – Sondazhi
Në sondazhin e kryer nga sondazhisti Eduard Zaloshnja, PS-ja do merrte mbi 50% të votave nëse zgjedhjet do mbaheshin sot. Në vendin e dytë renditet PD-ja me 31.3% të votave.
Ndërkohë partitë e reja marrin 16% në total me partitë e tjera të vogla që rrëmbejnë rreth 2.2%.
Shumatorja përfshin sondazhin e përbashkët me votuesit që jetojnë në Shqipëri dhe ata në emigracion.
Votuesit që jetojnë në Shqipëri do votonin 49.&% për PS-në, 31.8% për PD-në, 15.9% për partitë e reja dhe 2.6% e votave do shkonin për partitë e vogla, shkruan Shqiptarja.
Ndërkohë mes krerëve të partive, sipas sondazhi të Zaloshnjës, kryeministri Rama është më i pëlqyeri me 52% të pëlqimeve në total i ndjekur nga Berisha me 30.2%.
Shqiptarët që jetojnë jashtë vendit kanë një pëlqyeshmëri më të madhe për kryeministrin Rama krahasuar me ata që jetojnë në vend.
