Lidhu me ne

Mix

Përfitimet e pafundme nga lëngu i mandarinës

Kjo është stina e mandarinave. Ky frut i shijshëm pak më i vogël se portokalli mund të hahet në formën e tij të plotë ose të shtrydhet. Lëngu i mandarinës është shumë i freskët dhe hidratues.

Mandarinat e Xarrës, Borshit dhe Sarandës kanë një shije që të sjellin ndërmend verën dhe aromat e saj, ndonëse i ftohti erdhi dhe u ul këmbëkryq.

Mandarina ka një nivel të lartë të limonenës, e cila ka vlera të mëdha. Ajo është një antioksidant i fuqishëm, i pasur me vitaminë C, ndaj mandarina duhet konsumuar rregullisht.

Ka pasur një sërë studimesh mbi vlerat e mandarinës, dhe shkencëtarët janë akoma të marrosur pas saj.

Më poshtë, do të gjeni një listë vlerash shëndetësore të mandarinës të përgatitura nga AgroWeb.org:

Mban nën kontroll kolesterolin

Antioksidantët që gjenden tek mandarina, ulin kolesterolin e keq dhe rrisin atë të mirin në organizëm.

Lëngu i mandarinës lufton radikalet e lira në trup të cilat shkaktojnë kolesterolin e keq, i cili ngjitet tek arteriet kryesore të trupit dhe shkakton mjaft probleme.

Mandarina gjithashtu përmban fibër të tretshme dhe të patretshme të cilat parandalojnë përthithjen e kolesterolit në organet kryesore.

Stimulon rënien në peshë

Mandarina është një frut i pasur me fibër, dhe si rrjedhojë të bën të ndihesh me stomakun plot dhe të ngopur për një kohë të gjatë.

Nëse keni këtë ndjesi, atëherë nuk do të fokusoheni tek ushqimi gjatë gjithë kohës, gjë që do t’ju bëjë të bini në peshë.

Nëse konsumoni lëng mandarine do të bini nga pesha shumë më shpejt.

Rregullon tensionin e gjakut

Nëse konsumoni lëng mandarine rregullisht, tensioni juaj i gjakut do të jetë më i ekuilibruar. Mandarina është e pasur me minerale si kaliumi që ndihmon në uljen e tensionit të gjakut. Këto minerale e bëjnë gjakun të qarkullojë pa pengesa në organizëm.

Forcon imunitetin

Vitamina C tek mandarina ndihmon të luftoni të ftohtin dhe gripin dhe të keni më shumë imunitet.

Gjithashtu ajo ndihmon në largimin e toksinave dhe pastrimin e trupit. Të vjellat dhe çrregullimet në stomak mund të kurohen nga lëngu i mandarinës nëse konsumohet rregullisht.

Si të përgatisni lëngun e mandarinës

  • Qëroni 4 mandarina
  • Hiqni farat
  • Përdorni një mikser dhe përzjejini mandarinat
  • Mos e filtroni lëngun
  • Shtoni mente dhe akull sipas preferencës

Lëngu i mandarinës për një lëkurë të shëndetshme

Vitamina C tek mandarina e bën lëkurën tuaj më të shëndetshme. Ajo përmirëson tonalitetin e saj dhe e bën lëkurën të duket më e re, pa rrudha dhe njolla. Mandarinën mund ta aplikoni edhe së jashtmi në lëkurë, ose ta hani që të merrni përfitimet e plota prej saj.

  • Shtrydhni lëngun e mandarinës
  • Përdorni një pambuk për të shpërndarë lëngun në lëkurë
  • Mbajeni për 15 minuta dhe më pas lajeni atë

Sikur të mos mjaftonin vlerat e mësipërme, duhet të dini që lëngu i mandarinës mbron lëkurën nga rrezet e dëmshme UV.

Lëngu i mandarinës kundër plagëve

Vaji i mandarinës që nxirret nga fruti shëron dhe fuqizon prodhimin e qelizave të reja. Ky vaj mund të aplikohet në plagët apo çarjet e lëkurës.

Lëngu i mandarinës për flokë të shëndetshëm

Lëngu i mandarinës mund të aplikohet edhe në flokë. Vlerat e mëdha antioksiduese e mbrojnë lëkurën e kokës nga ndotja dhe radikalet e lira, rrjedhimisht ju nuk do të përballeni me zbokthin ose rënien e flokëve.

  • Shtoni lëngun e mandarinës në vajin e flokëve që përdorni rregullisht.
  • Lyeni kokën dhe mbajeni për 20 minuta
  • Lajeni atë

Flokët do të marrin shkëlqimin dhe volumin e munguar. Vitamina E dhe B12 ndihmojnë në rritjen e flokëve por luftojnë edhe thinjat./AgroWeb.org

Vazhdo leximin

MË TEPËR

Mix9 orë më herët

Sekreti i dobësimit – Dy gota ujë përpara vakteve

Humbja nga pesha kërkon një angazhim serioz ndaj një stili të shëndetshëm jetese. Ushqyerja e shëndetshme, aktiviteti fizik, gjumi dhe...

Mix10 orë më herët

Kjo mund të jetë arsyeja pse është kaq e vështirë të humbasësh peshë

Nëse ke humbur ndonjëherë peshë dhe pastaj ke parë me tmerr se si ajo rikthehet me kalimin e kohës, nuk...

Mix11 orë më herët

Të ndarë prej kohësh ‘de facto’, Nora Gega dhe Blendi Klosi firmosin divorcin

Nora Gega dhe Blendi Klosi, deputet i PS-së dhe koordinatori Politik i Qarkut të Dibrës, kanë vendosur t’i japin fund...

Kritike11 orë më herët

Nëpunësit e Autoritarizmit

Shkruar nga Irena Beqiraj Ndaj edhe Marjanat na ofrohen si një realitet alternativ i cili formulohet me kujdes, me ndihmën...

Aktualitet12 orë më herët

Shanset për t’u bërë deputet, 2 mijë kandidatë për 48 vendet e mbetura

2046 kandidatë në zgjedhjet e 11 majit, për 140 vende në parlament, 92 vende të “blinduara” nga PD dhe PS...

Mix12 orë më herët

Forcon kockat dhe shpejton tretjen! Ja 5 arsye pse duhet të hani domate çdo ditë

Domatet janë më shumë se thjesht një shtesë dekorative për sallatat apo sanduiçet tuaja; kjo perime e lëngshme ka përfitime...

Radar12 orë më herët

Arsimi i dobët në Shqipëri do mbajë peng dy gjenerata

Shqipëria renditet ndër vendet me cilësinë më të ulët të arsimit të lartë në Europë dhe në Azinë Qendrore, rajonin...

Mix13 orë më herët

Ellen Pompeo nuk e lejon vajzën të shikojë “Grey’s Anatomy” për shkak të të brendshmeve

Ellen Pompeo nuk e lejon vajzën e saj të vogël të shikojë “Grey’s Anatomy”. Aktorja u shfaq në një episod të...

Mix13 orë më herët

Mund të ketë efekte negative: Ç’duhet të dini për vajin e rozmarinës

Rozmarina është një nga bimët më të njohura në botë, me një mori përdorimesh në sektorët e shëndetit dhe bukurisë....

Radar13 orë më herët

Çfarë dihet deri tani për tragjedinë me 59 viktima në Maqedoninë e Veriut

Maqedonia e Veriut është tronditur nga një tragjedi e rëndë, pas një zjarri shkatërrues në diskotekën “Pulse” në qytetin e...

Facebook