Aktorët e “Friends” kishin një lidhje të veçantë. Pas sezoneve, episodeve dhe eksperiencave të panumërta, të gjithë anëtarët e serialit kishin një marrëdhënie shumë të mirë. Vdekja e Matthew Perry tronditi dhe ata vazhdimisht kujtojnë aktorin.

E fundit, është një rrëfim nga Lisa Kudrow në “The Dreë Barrymore Show”. Aktorja shpjegoi se Matthew Perry i dha asaj një kuti me biskota pas episodit të fundit të serialit. Dhe në të kishte një shënim të dedikuar. “Unë nuk e kisha hapur dhe nuk e dija. Por po, ai e bëri. Ai kishte një shënim aty dhe e harrova”, tha ajo.

Fatkeqësisht, përmbajtja e shënimit është e panjohur dhe Lisa Kudrow nuk ka dashur ta ndajë tekstin me gjithë insistimin e të pranishmëve gjatë intervistës. Në çdo rast, aktorja ka komentuar shprehjen e mëposhtme: “Koha është gjithçka”. Ky shënim, të paktën tani për tani, mbetet një sekret që ajo e ruan me mall.

Nisur nga marrëdhënia e tyre e mirë, nuk ka dyshim se është një mesazh dashurie për kolegun e saj gjatë dhjetë sezoneve që zgjati seriali. Ndoshta në të ardhmen Lisa Kudrow do të zbulojë misterin, por ajo aktualisht nuk është e interesuar ta bëjë këtë.

Të dy kishin një marrëdhënie të mirë. Matthew Perry vdiq më 28 tetor 2023 në shtëpinë e tij në Los Anxhelos nga një mbidozë me ketaminë.