Brooke Shields ka shkruar një libër autobiografik, i cili del të martën e 14 janarit në shitje. Mes shumë rrëfimeve personale në “Brooke Shields Is Not Lejed to Get Old: Thoughts on Aging as a ëoman” dallon ai për ndërhyrjen vaginale pa dëshirën e saj. Bëhet fjalë për një ndërhyrje të ashtuquajtur “përtëritje vaginale”.

Shields, tani 59 vjeçe tregon sesi kur ishte në të 40-at gjinekologu i saj e pyeti nëse gjatësia e buzëve vaginale i kishte shkaktuar ndonjëherë shqetësim.

“Do të gënjeja nëse do të thoja se nuk më vjen turp të ndaj këtë informacion shumë intim. Por, nëse duam të ndryshojmë mënyrën se si i qasemi dhe flasim për shëndetin e grave, atëherë duhet të nxjerrim në pah çështjet e pakëndshme, por shumë reale. Turpi nuk është më një opsion”, shkruan Shields.

Shields tregon sesi vendosi të kryejë një procedurë të rekomanduar nga gjinekologu i saj, për të cilën kishin folur bashkë dhe pastaj në vizitën e radhës ai i tregoi se i kishte bërë edhe një bonus. Diçka që lidhej me një ngushtim, ose shtrëngim vaginal.

“M`u duk si pushtim, si dhunim”, tregon ajo.

Shields kujtoi se doktori ‘me krenari më shpjegoi në mënyrë legjitime se ai, ju e dini, hodhi dy herë’. Aktorja na tha se ishte ‘e shtangur’ nga zbulimi i tij.

Shields as nuk donte dhe as nuk kishte nevojë për procedurën e pakthyeshme dhe nuk donte të fliste për të se ndjente turp dhe zemërim.

Madje ajo tregon se ia fshehu edhe burrit të saj, producentit Chris Henchy për shumë vite këtë histori.

Rrëfimi i plotë dhe shumë histori të tjera i lexoni në librin e saj.