Radar
Kush është Susie Wiles, shefja e kabinetit të Trump
Donald Trump emëroi Susie Wiles shefe të kabinetit të ardhshëm të Shtëpisë së Bardhë. Susie është gruaja e parë që do të ketë këtë post të rëndësishëm në SHBA. Ajo duket se ka mbajtur një peshë të rëndësishme edhe në fushatën e Trump. Thuhet se ajo është njeri i besuar i Trump, që ka mundur të kontrollojë edhe qetësojë impulset e tij.
Susie është njeri i prapaskenës. Ajo nuk e ka marrë asnjëherë mikrofonin të flasë përgjatë fushatës e as pas fitores.
Në jetën personale, ajo është e divorcuar prej 2017-ës dhe është nënë e dy vajzave.
“Susie është e fortë, e zgjuar, krijuese dhe admirohet dhe respektohet në të gjithë botën. Susie do të vazhdojë të punojë pa u lodhur për ta bërë Amerikën përsëri madhështore. Ajo e meriton plotësisht që të jetë shefja e parë femër e kabinetit në historinë e Shteteve të Bashkuara. Nuk kam asnjë dyshim se ajo do ta bëjë vendin tonë krenar”, tha Trump.
