Angelina Jolie ka bërë debutimin e saj me flokë kaçurrelë në shfaqjen e filmit të vet të ri “Maria”, që u mbajt gjatë AFI Fest në Los Angeles. 49-vjeçarja ka qenë në qendër të vëmendjes për ‘Oscar’ që nga publikimi i trailerit të filmit të saj për Netflix. Tek “Maria”, Angelina luan rolin e këngëtares legjendare të operës, Maria Callas, gjatë periudhës së saj të fundit në Paris në vitet 1970, shkruan DailyMail. Filmi është drejtuar nga Pablo Larrain, i njohur edhe për filmin “Jackie”.
Në event, Angelina i befasoi fansat me flokët e saj voluminozë, të cilat e rikthenin në stilin e viteve 1980. Ndryshe nga flokët e saj biondë dhe të drejta që ka pasur në ngjarjet e fundit, tani ajo kishte kaçurrela luksoze në një nuancë pak me të errët.

Për tapetin e kuq, aktorja kishte preferuar një fustan të artë që reflektonte dritat, duke e bërë atë të binte edhe më shumë në sy. Look-un e saj e kompletoi me një xhaketë të hollë të gjatë të zezë, që i jepte një pamje elegante dhe sofistikuar, e po kështu buzëkuqi i fortë dhe vëthët perla ia shtuan pamjes së saj shkëlqimin.