Tom Holland zbulon detaje për filmin “Spider-Man 4”

Tom Holland e ka konfirmuar! “Spider-Man 4” fillon xhirimet vitin e ardhshëm! Gjatë intervistës së tij më 22 tetor në “The Tonight Show”, Holland u shpreh:

“Po ndodh! Verën e ardhshme fillojmë xhirimet, e kemi gjithçka gati”.

Më tej shtoi me entuziazëm: “Është shumë emocionuese. Mezi po pres.”

Filmi i ardhshëm i Spider-Man është një vazhdim i filmit “Spider-Man, No Way Home” i vitit 2021, ku Holland iu bashkuan në aktrim dhe Tobey Maguire me Andrew Garfield, dy protagonistët e mëparshëm të sagës, duke nderuar kështu historinë prej 2 dekadash të filmave të “Spider-Man”.

Që atëherë, përditësimet mbi filmin e katërt kanë qenë të pakta, megjithatë Holland dhe ekzekutivët e studios kanë shprehur gjithmonë se një vazhdim do të realizohej.
Ndërkohë, Marvel Studios dhe Sony Pictures ende nuk e kanë njoftuar zyrtarisht një “Spider-Man 4” dhe nuk është e qartë nëse Zendaya do të rikthehet në rolin e saj si Michelle “M.J.” Jones për filmin e ardhshëm.

Megjithatë, Holland së fundmi tha gjatë një shfaqjeje në një podcast më 17 tetor se ai dhe Zendaya, që është dhe partnerja e tij në jetën e vërtetë, kanë lexuar së bashku një propozim skenari për rolin e tij të ardhshëm si Peter Parker.

“Ka disa gjëra që duhet të sqarojmë para se ta fillojmë atë [filmin] me të vërtetë, por është emocionuese,” tha ai. “Dhe jam vërtet shumë entuziast për të ardhmen.”