I ftuar sonte në Esencë, ora 21:00, në ekranin e Report Tv, është Murat Basha. Basha e ka njohur nga afër Familjen Mbretërore Shqiptare, ku ndër të tjera ka edhe kujtime me Mbretëreshën Geraldinë dhe Mbretin Leka Zogu i Parë.

Geraldina e shqiptarëve nuk mbretëroi jo më shumë se një vit! 63 vite të jetës së saj i kaloi në ekzil. Erdhi pas shumë kohësh në Shqipni më 28 qershor  të vitit 2002, ndërroi jetë po atë vit në Tiranë më 22 tetor.

Eljan Tanini: -Ku e keni takuar Mbretëreshën e shqiptarëve?

Murat Basha: -Geraldinën e kam takuar për herë të parë në Johannesburg. Mbretin Leka e kam takuar në vitin 1991 kur shqiptarët ikën jashtë me anijet, 2-3 javë nëpër kampe.

Geraldina ishte kaq simpatike, sa Ismail Kadare i tha Nalt Madhnisë së Tij, Leka i parë: -Nëna juaj ka një dritë në fytyrë, rrezaton një dritë që të ç’armatos menjëherë!

Te disa fytyra dhe mendje të veçanta Zoti vendos fytyrën dhe dritën e tij. Mbreti Zog u dashurua menjëherë me Geraldinën. Geraldina ishte magnet! Jo me kot e kanë quajtur edhe  Trëndafili i Bardhë i Hungarisë!

Martesa e Mbretit Zog me Geraldinën, është buzëqeshja e fundit e Europës para tragjedisë që do ti ndodhë asaj nga Musolini dhe Hitleri, thotë Frederic Mitterrand. Çifti kishte 20 vjet diferencë, të dy ishin sy blu.

Eljan Tanini: -Po Geraldina vetë, ma përshkruaj pak?

Murat Basha: -Mbreti Leka kishte një shtëpi shumë të madhe ne Johannesburg. Geraldina rrinte më vete, ajo shkruante shumë mirë shqip. Në atë kohë ajo ishte rreth 80 vjeçe. Ahmet Zogu dy ditë para se të ikte nga ky vend, i ka kaluar në shtëpinë time.

Geraldina kishte një dashuri shumë të madhe për Shqipërinë dhe Mbretin Zog, fliste me një dashuri të çmendur. Geraldina për aq kohë sa ndenji në Shqipëri, solli një frymë të re. Ditën kur u martua çifti mbretëror, u martuan edhe 50 çifte me shpenzimet e familjes mbretërore. Princit Leka Geraldina i thërriste Leki i vogël me përkëdheli.

Eljan Tanini: -Si e ka ndihmuar luftën Mbreti Leka i parë dhe cilën luftë?

Murat Basha: -1978-1979 Mbreti Leka me ndihmën e vëllezërve kosovarë rriti veprimtarinë për Shqipërinë. Ibrahim Rugova kishte shumë respekt për Mbretin Leka sepse demonstratat e para në vitin 1981 janë berë me paratë dhe armët e tij. 100 mijë dollarët e parë janë financime për UÇK-në nga Mbreti Leka që të niste luftën. Ramush Haradinaj me Mbretin Leka të Parë e kishin kollaj të takoheshin me njëri tjetrin sepse flisnin të njëjtën gjuhë. Mbaj mend që në Johannesburg, Princi Leka në shtëpi në dërrasen e zezë shkruante: UNE DUA TË JEM LUFTËTAR I UÇK-së, UNË DUA TË SHKOJ NË KOSOVË, RROFTË KOSOVA,  RROFTË UÇK-ja!

Sadati i Egjiptit e ndihmoi Lekën e I-rë duke i dhëne lehtësi territoriale, madje vetë qeveria shqiptare ndërhyri që Mbreti Leka të mos kishte bashkëveprim.

Juan Carlosi-t i kërkuan për Mbretin Leka: Ose të pushojë veprimtarinë politike, ose të largohet nga Spanja. Miqtë e huaj e ndihmuan Mbretin Leka dhe familjen  që ata të rrinin në Johannesburg. Fluturak Gërmenji ka një vlerësim të madh për ardhjen e Familjes Mbretërore në Shqipëri dhe për përgatitjen e saj këtu.

Geraldina jetoi shumë pak  muaj në Shqipëri, erdhi në Korrik dhe ndërroi jetë në Tetor. Profecia e Ahmet Zogut për Geraldinën: Pashë një endërr sikur zbrite në Durrës dhe ishe shumë e plakur! Pas pak çastesh ndërroi jetë. Kur Ahmet Zogu u martua me Geraldinën, ai i dhuroi asaj një kurorë me diamantë. Mbreti Leka dhe juan Carlos bashkë me Simonin e Bullgarisë hapën një kompani ndërtimi.

Eljan Tanini: 181 vajza sot në Shqipëri quhen Geraldina në Tiranë e  më gjerë. Gjithashtu edhe në Kosovë ka vajza me këtë emër. 

Géraldine Apponyi (Margit Virginia Contessa Olga Mária Apponyi de Nagyappony) (6 gusht 1915 – 22 tetor 2002) – hungareze, mbretëreshë e bashkëshorte e Mbretit Zog I, dinastia Zogu e Shqipërisë.

Mbretëresha Geraldinë më vonë Nëna Mbretëreshë Geraldinë ose Kontesha Geraldinë Margit Virginia Olga Mária Apponyi de Nagyappony, ishte Mbretëresha e shqiptarëve dhe bashkëshortja e Mbretit Zogu I, nëna e Leka Zogut  dhe gjyshja e Princ Lekës! Prindërit: Count Gyula Apponyi de Nagy-Apponyi, Gladys Virginia Steuart. Ish Presidenti Nikson i Amerikës ka lidhje gjaku me Geraldinën e Shqiptarëve

Eljan Tanini: -Puna juaj në Oborrin Mbretëror?

Murat Basha: -Kam qenë pranë Mbretit, me pozicione të ndryshme të rëndësishme. Jam takuar me Mbretin në vitin ’91, kur erdhi të vizitojë kampet e refugjatëve në Itali. Që prej asaj dite nuk jemi ndarë më. Hyrije Kupi, vajza e Abaz Kupit u bë shkas për njohjen tonë. Një ditë, Geraldina më kërkoi ti sillja një prift, dua të rrëfehem më tha! Dua të rrëfehem çdo të shtunë sepse ndoshta mendoj keq!

Ne duhet të dimë të duam bukur gjërat tona, punën tonë, të ruajmë atë që na është dhënë. Ajo u rëndua njëfarë kohe, kam shkuar me vrap në Bruksel për të marrë një aparat oksigjeni. Familja Mbretërore është barazlarguar nga politika. Shqipëria hyri në OKB edhe falë ndihmës së Ahmet Zogut. Ai thoshte: -Më mirë një Shqipëri me Enver Hoxhën se një Shqipëri me serbët dhe grekët, sipas Ahmet Zogut. 1981, Leka Zogu kërkoi të bëhet bashkë me regjimin e Tiranës për të ndihmuar Kosovën. Asnjë përgjigje. Ahmet Zogu është Mbret i shqiptarëve. Kryetari i Masonëve nga Franca i tha Mbretit Leka që të punosh për ne, ne do të të bëjmë drejtues të vendit vetëm që të betohesh te ne. Ai i tha: Jam betuar njëherë mbi Flamurin Shqiptar. 

Mbreti Leka thoshte shpesh: -Unë jam Leka i Parë, Luftëtar i Shqipërisë Etnike.

Në takim me Reganin, ky i fundit i tha: Duhet të heqësh dorë nga Kosova, unë të ndihmoj të shkosh në Shqipëri. Sipas tij Naltmadhërisë së tij, me amerikanët nuk luhet, duhet të jesh i qartë dhe i sinqertë. Ramush Haradinaj është luftëtar i madh. Haradinajt kanë bërë luftë të madhe në Kosovë. Patriotët Haradinaj dhe Zogu e njohin mirë njëri-tjetrin.