Këngëtarja me famë botërore Beyonce u shfaq për herë të parë në një miting të kandidates demokrate Kamala Harris. Beyonce gjithashtu foli për një nga çështjet më të ndjeshme të amerikanëve që është ajo e abortit.  

“Për të gjithë burrat dhe gratë në këtë tubim, por edhe ata që na shohin përmes ekranit, ju them se ne kemi nevojë për ju. Ne duhet të votojmë! Unë jam këtu si nënë. Ne jemi në greminën e një ndryshimi të jashtëzakonshëm, në prag të historisë”, tha Beyonce një turme prej 30,000 njerëzish në stadiumin e hapur Shell Energy në Hjuston.

Ndërsa Harris u shpreh se nëse Donald Trump fiton përsëri, ai do të ndalojë abortin në mbarë vendin.

“Le të jemi të qartë: nëse Donald Trump fiton përsëri, ai do të ndalojë abortin në mbarë vendin”, tha Harris, e cila u ngjit në të njëjtën skenë, kur u bë kandidate zyrtare për presidencialet. Nën sfond është luajtur kënga e Beyonce, e titulluar “Freedom”.