Në një nga momentet më ikonike të filmit “Wolf Of Wall Street”, me regji të legjendarit Martin Scorsese, aktorja Margot Robbie kishte pasur frikë se mos e lëndonte bashkë-protagonistin, Leonardo DiCaprio. Kjo dramë filmike, e frymëzuar nga ngjarjet e jetës reale të Jordan Belfort, të luajtur nga DiCaprio, eksploron botën e mashtrimit dhe korrupsionit në ‘Wall Street’ gjatë viteve 1990, ndërsa Robbie interpreton gruan e tij imagjinare, Naomi Lapaglia.

Në një intervistë për Vogue, Robbie pranoi shqetësimin e saj se mund të lëndonte pa dashje DiCaprion.“Mbaj mend që isha vërtet e shqetësuar se do t’i fusja një takë në fytyrë Leos”, tha ajo, duke reflektuar mbi sfidat e xhirimeve.

“Wolf Of Wall Street” mbetet një nga arritjet më të rëndësishme në industrinë e filmit. Filmi mori vlerësime pozitive nga kritikët jo vetëm për temën dhe skenat e diskutueshme, por edhe për aktorët e talentuar që sollën në jetë personazhet e tyre. Kimia mes Margot Robbie dhe Leonardo DiCaprio krijoi momente të paharrueshme që do të mbahen mend gjatë.