Një raport i sapopublikuar këtë të enjte të 3 tetorit ka zbuluar se gati gjysma e grave që kalojnë në menopauzë thonë se ndihen ‘të padukshme’, ‘të vetmuara’, ose ‘të parëndësishme’ – me vetëm 2% që zgjedhin ta përshkruajnë veten si ‘të lulëzuar’ gjatë këtij tranzicionit.

Për më tepër, gjetjet e këtij studimi zbuluan se pavarësisht se menopauza ka 48 shenja, vetëm një e treta e grave të anketuara mund të përmendnin më shumë se tre prej tyre.

Shenjat janë:

Ndryshimet e thonjve, ndjesi shpimi gjilpërash, djersitje gjatë natës, ndryshime në madhësinë e gjoksit, mungesë motivimi, sy të thatë, infeksione urinare të përsëritura, nauze dhe probleme me tretjen, probleme me gjumin dhe pagjumësi, ankth, ndryshime të humorit, marramendje, ndryshime në strukturën e lëkurës, gojë të thatë, çrregullime paniku, varje e gjinjve, përkeqësim i simptomave para ciklit, dobësim i fshikëzës, kruarje e lëkurës, zvogëlim i fertilitetit, shtim në peshë, nervozizëm, rrahje të parregullta të zemrës, rënie e flokëve, humbje përqendrimi, ndjesi i ftohti, fryrje, akne, aromë të shtuar të trupit, perioda të parregullta, depresion, lëkurë e ndryshuar, mjegullim truri, dhimbje kyçesh, probleme dentare, ndryshime në shije dhe nuhatje, ndryshime në dëshirën seksuale, sindroma e djegies së gojës, afshe, tension i muskujve, probleme me kujtesën afatshkurtër, vështirësi në frymëmarrje, humbje e densitetit të kockave, thatësi vaginale, lodhje , dhimbje të gjoksit, dhimbje koke dhe migrenë, humbje të vetëbesimit.