Njerëzit mendojnë se Joaquin Phoenix është martuar, por pse?

FOTO: AFP via Getty Images

Njerëzit kanë një arsye të fortë që të mendojnë se ylli i “Joker” mund të jetë martuar me partneren e tij, Rooney Mara. Gjatë një bisede për podkastin “Talk Easy with Sam Fragoso”, aktori foli për jetën publike dhe private. Në një moment, ai iu referua Rooney-t si “gruaja e tij” duke nxitur dyshimet se ai mund të jetë martuar me partneren, me të cilën është bashkë prej shumë vitesh.

Ndërsa tregoi se si e përgatiti fjalimin e tij në Oscars 2020, aktori zbuloi se e shkroi fjalimin prekës ndërkohë që “po fliste me mamanë dhe gruan e tij.”

Më pas, gjatë bisedës, aktori u kujdes që t’i drejtohej Mara-s me emër, duke e bërë të qartë se ajo ishte “gruaja” për të cilën ai po fliste.

Çifti është njohur për herë të parë teksa punonin për filmin “Her”, ndërsa ata krijuan një lidhje në çift gjatë xhirimeve të filmit “Mary Magdalene” disa vite më vonë. Ata u fejuan në vitin 2019.

“Ajo është e vetmja vajzë që kam kërkuar ndonjëherë në internet,” tha Phoenix për Rooney-n në një intervistë për “Vanity Fair”. “Ne ishim thjesht miq, miq virtualë. Nuk e kisha bërë kurrë këtë. Nuk kam kërkuar kurrë një vajzë në internet.”

FOTO: P&P / MEGA

Në vitin 2020, ata u bënë për herë të parë prindër të një djali, të cilit aktori i famshëm i vendosi emrin e vëllait të ndjerë, River Phoenix, që ndërroi jetë nga një mbidozë në moshën 23-vjeçare.

Çifti i njohur zbuloi se ishin në pritje të fëmijës së dytë në shkurt të këtij viti, kur Rooney u shfaq me barkun e rrumbullakosur në edicionin e 74-ët të Festivalit Ndërkombëtar të Filmit Berlinale në Gjermani.