Martesat e VIP-ave gjithmonë përfliten shumë në media dhe rrjete sociale, ashtu siç ndodhi së fundmi edhe me cermoninë e martesës së Lana Del Rey me Jeremy Dufrene. Komentet në rrjet nuk flasin vetëm për martesën e tyre si proces apo se sa e thjeshte e luksoze ishte. Ajo që tërheq vëmendje janë partnerët me të cilët kanë zgjedhur të kurorëzojnë dashurinë.

Lana është dashuruar me Dufrene, një udhërrëfyes aligatorësh. Ajo që të bën përshtypje është sepse nuk kanë asnjë të përbashkët në profesion por edhe në statusin e karrierës. Lana një personazh me famë botërore, këngët e së cilës kthehen në hite sa herë që lançohen, ndërsa bashkëshorti i saj një njeri i thjeshtë dhe jashtë vëmendjes sociale. Lana u kryqëzua nga komentuesit për pamjen e bashkëshortit të saj i cili dukej shumë më i madh në moshë se realisht.

Të njëjtën gjë mund të themi edhe për modelen e njohur Bella Hadid, e cila është emri më i lakmuar kur bëhet fjalë për pasarela. Ajo është e dashuruar me Adan Banuelos, një cowboy profesionist dhe trajner kuajsh multimiliarder.

Po ashtu e njihni dhe marrëdhënien e modeles Heidi Klum me Tom Kaulitz, kitaristin e famshëm gjerman. Ai ka marrë vëmendjen e ndjekësve në rrjete sociale për pamjen e tij, flokët e gjata dhe mjekrën e madhe. Çifti kanë kurorëzuar dashurinë e tyre në martesë në vitin 2019 dhe ai tashmë është bërë si një baba i vërtetë për fëmijët e Klum.