Shailene Woodley dha detaje të reja në lidhje mee problemet shëndetësore që përjetoi gjatë punës në setin “Divergent” në 2013.

Aktorja e “Big Little Lies” filloi të vuante nga humbja e dëgjimit dhe luftoi të ecte papritur gjatë xhirimit të filmit të vitit 2014, tha ajo gjatë episodit të së martës në podkastin “She MD”.

“Po humbisja dëgjimin. Nuk mund të ecja për më shumë se pesë minuta në të njëjtën kohë pa pasur nevojë të shtrihesha për orë të tëra dhe të flija. Gjithçka që haja më lëndonte stomakun,” Woodley, 32 vjeç, u tha mikpritësve Mary Alice Haney dhe Dr. Thais Aliabadi për simptomat e saj, të cilat ajo i përjetoi gjatë të 20-ave.

Megjithëse ajo ka folur për sëmundjen më parë, Woodley nuk e ka zbuluar kurrë shkakun e simptomave të saj, duke thënë të martën se ajo ndihej “si një gjë personale”.

Shailene foli për herë të parë për sëmundjen misterioze  në vitin 2021, duke zbuluar se ajo “u tha jo shumë projekteve” gjatë asaj kohe sepse “fizikisht nuk mund të merrte pjesë në to”.

“Dhe padyshim që vuajta shumë më tepër se sa duhej, sepse nuk kujdesesha për veten. Presioni i vetëshkaktuar për të mos dashur të ndihmohesh apo të kujdesesh krijoi më shumë trazira fizike gjatë gjithë atyre viteve,” tha ajo për Hollywood Reporter.

“Më largoi për një kohë. Ndihesh tepër i izoluar dhe i vetmuar. Nëse dikush nuk mund të shohë se ju keni një krah të thyer ose një këmbë të thyer, është vërtet e vështirë për njerëzit që të lidhen me dhimbjen që po përjetoni kur është një dhimbje e heshtur, e qetë dhe e padukshme.”