Menopauza, një fazë normale e jetës së çdo gruaje, mund të shoqërohet me një sërë simptomash, duke përfshirë afshet e nxehtësisë, ndryshimet e humorit dhe problemet me gjumin. Pavarësisht taktikave të ndryshme që përdorim për të lehtësuar këto simptoma, ekziston një “sekret” më pak i përfolur, por shumë efektiv: vetëkënaqja. Mund të jetë me siguri diçka që nuk do ta prisnit, por hulumtimet tregojnë se masturbimi mund të sigurojë lehtësim nga simptomat shqetësuese të menopauzës në mënyra që nuk mund ta prisni. Një nga studimet më interesante u krye në vitin 2024 nga Instituti Kinsey. Sondazhi përfshiu 1500 gra të moshës 40 deri në 65 vjeç në SHBA, të cilat ndanë përvojat e tyre me menopauzën dhe strategjitë që përdorin për të përballuar simptomat, informon dritare.net

Rezultatet e sondazhit

Sipas studimit të Institutit Kinsey, masturbimi mund të jetë jashtëzakonisht efektiv në lehtësimin e simptomave të ndryshme të menopauzës. Gratë në studim raportuan përmirësimin e simptomave si: çrregullime të humorit dhe gjumit, nervozizëm, depresion, thatësi vaginale dhe dhimbje koke. Edhe pse vetëm 10% e grave përdorin masturbim si një taktikë të menaxhimit të menopauzës, lehtësimi që ai ofron mesa duket është mbresëlënës.

Masturbimi ofron lehtësim nëpërmjet tri mekanizmave kryesore. Së pari, rrit lirimin e hormoneve që ndihmojnë në përmirësimin e cilësisë së gjumit, që është gjë e rëndësishme pasi çrregullimet e gjumit janë të zakonshme gjatë menopauzës. Së dyti, mund të përmirësojë gjendjen shpirtërore dhe të zvogëlojë ankthin dhe depresionin, për shkak të çlirimit të endorfinës dhe kimikateve të tjera që ndodhin në kulmin e vetëkënaqësisë, duke kontribuar në relaksim dhe përmirësim të humorit. Së treti, masturbimi i rregullt rrit rrjedhjen e gjakut në zonën gjenitale, duke ndihmuar në reduktimin e thatësisë vaginale dhe atrofisë. Këto gjetje sugjerojnë se masturbimi mund të bëhet një strategji efektive për të përmirësuar cilësinë e jetës gjatë menopauzës.