Pas Taylor Swift, edhe Billie Eilish, një tjetër artiste me shumë influencë sidomos tek të rinjtë, mbështet Kamala Harris.

Edhe vëllai i saj, gjithashtu muzikant, Finneas do të votojë për Kamala-n.

“Ne po votojmë për Kamala Harris dhe Tim Walz sepse ata po luftojnë për të mbrojtur lirinë tonë riprodhuese, planetin tonë dhe demokracinë tonë”, tha Eilish në një video që postoi në X.

Kjo është goditja e dytë që vjen për Trump pas shfaqjes publike të mbështetjes së Taylor Swift ndaj Harris. Ndaj Taylor, Trump u përgjigj ndërkohë që ende nuk ka një reagim në lidhje me Eilish.