Kendall Jenner dhe Devin Booker kanë nxitur së fundmi aludimet për ribashkim. Ata u panë së bashku gjatë një darke në Miami.

Dyshja kanë qenë të lidhur së bashku nga viti 2020 deri në 2022. Ajo më parë ka qenë në një romancë dashurie me Bad Bunny në fillim të vitit 2023, por marrëdhënia e tyre u kris në dhjetor.

Një burim i tha ET, “Kendall dhe Bad Bunny e dinin  se nuk do të ishte një lloj marrëdhënieje e përhershme dhe kjo u kuptua reciprokisht që nga fillimi,” vazhdon burimi. “Ata kanë orare të ngjeshura dhe e dinë se janë ende të rinj dhe kanë shumë më tepër për të përjetuar individualisht përpara se të bëjnë një hap më tutje.”

Burimi shton se “nuk ka ndonjë negativitet mes tyre dhe ata ende duan më të mirën për njëri-tjetrin”. “Familja e Kendall ende mendon shumë për të”. “Ata thjesht duan që ajo të jetë me këdo që e bën të lumtur, që e trajton me dashuri dhe respekt dhe me dikë që e kupton dhe mund të përballojë vëmendjen që vjen së bashku me të.”