Justin Bieber po kërkon të bëjë paqe me Selena Gomez?

FOTO: JUSTIN BIEBER/ INSTAGRAM

Justin Bieber duket se ka ndryshuar qasjen e tij ndaj mërive apo ndarjeve, sidomos pasi u bë për herë të parë prind. Një burim për “In Touch” thotë se Justin ka ndryshuar pasi është bërë baba dhe heqja dorë nga problemet apo inatet e vjetra është një prej synimeve të tij.

“Justin është qetësuar plotësisht dhe ai nuk ka asgjë përveç paqes dhe dashurisë për të gjithë. Edhe pse prioriteti i tij është kujdesi për bebushin Jack, ai ka pasur mundësi që të reflektojë edhe për të kaluarën, duke ndërtuar një listë me personat më të cilët ka vendosur të rregullojë raportet e krisura,” thotë i njëjti burim.

Kujtojmë që romanca mes Justin dhe Selena-s u bë publike në vitin 2010, por pas dy vitesh të “trazuara” për dy adoleshëntët asokohe, dyshja u nda në nëntor të vitit 2012. Menjëherë pas ndarjes, për Justin nisi edhe një kapitull problemesh me njerëzit, por dhe me ligjin. Ai u arrestua për drejtim mjeti në gjendje të dehur dhe për akte dhune kundrejt fqinjve, ndërsa më vonë pati edhe një grindje me aktorin Orlando Bloom.

Gjithsesi, përtej dëshirës së Bieber, rrugët e tyre duken të ndara, të paktën në aspektin privat! Justin prej disa javësh është bërë baba i bebushit Jack Blues Bieber, ndërsa Selena është në një romancë me producentin muzikor Benny Blanco.

Por, kur vjen puna të miqësitë, asnjëherë nuk i dihet!