Intervista, e cila është planifikuar për të hënën mbrëma (12/8), mund t’i ofrojë ish-presidentit një mundësi për t’u rikthyer në qendër të vëmendjes.

Elon Musk dhe Donald Trump

 Elon Musk shumë shpejt do ta shohim edhe si gazetar pasi pritet të intervistojë, kandidatin për presidencën e SHBA-së, Donald Trump.

Intervista, e cila është planifikuar për të hënën mbrëma (12/8), mund t’i ofrojë ish-presidentit një mundësi për t’u rikthyer në qendër të vëmendjes.

Ngjarje të ngjashme në platformën “X” kanë hasur në probleme teknike, ndaj Musk po merret me përgatitjet e fundit.

“Do të bëj disa teste të pastrimit të sistemit sonte dhe nesër para bisedës,”- shkroi Musk në platformën e tij, më parë e njohur si Twitter.

Intervista do të transmetohet drejtpërdrejt edhe nga llogaria zyrtare X e Trump. Trump iu rikthye këtij rrjeti social 1 muaj pasi u ble nga Musk, pasi pronarët e mëparshëm të platformës kishin pezulluar aksesin e ish-presidentit.

Musk gjithashtu ka themeluar një organizatë që mbledh para për të mbështetur fushatën zgjedhore të Trump. Ndaj për t’i kthyer nderin, Trump, i cili ka qenë prej kohësh një kritik i automjeteve elektrike, ndryshoi qëndrim.

“Unë jam pro makinave elektrike. Duhet të jem, sepse Eloni më mbështeti shumë fort. Kështu që nuk kam zgjidhje tjetër,”- tha Trump gjatë një mitingu në fillim të gushtit.