Ecja ka përfitime të shumta për shëndetin dhe mirëqenien tuaj. Por kur bëhet fjalë për humbjen e peshës, mund të jeni kurioz të dini se sa kalori digjni duke ecur gjatë një ore, AgroWeb.org ju njeh me këtë më poshtë.

Sa është numri i kalorive të djegura gjatë një ore ecje?

Ecja me një ritëm të shpejtë dhe të moderuar është një mënyrë e shkëlqyer për të pompuar zemrën dhe për të djegur kalori. Pas një orë ecje, ju mund të digjni diku midis 240 dhe 723 kalori. Djegia e sa më shumë kalorive është në varësi të peshës së trupit dhe ritmit ose intensitetit të ecjes. Prandaj është e rëndësishme të shtoni më tepër shpejtësi gjatë ecjeve tuaja.

Si të digjni më shumë kalori duke ecur?

Siç mund ta shihni, rritja e intensitetit të ecjes suaj rrit edhe numrin e kalorive që digjni. AgroWeb.org ju njeh me disa mënyra për ta bërë këtë:

Ecni në vende me pjerrësi

Dilni për ecje në një kodër pranë lagjes suaj ose në një vend ku shihni që ka njëfarë pjerrësie.

Bëni intervale me shpejtësi të shtuar

Stërvitja me intervale të alternuara mes ecjeve të shpejta dhe ecjeve më të ngadalta, mund t’ju ndihmojë të digjni më shumë kalori dhe të humbisni peshë. Ata që janë fillestarë duhet të fillojnë me 30 sekonda ecje të shpejtë të ndjekur nga 2 minuta me një ritëm të ndërmjetëm. Mundohuni të bëni 5 intervale të tilla sa herë që dilni për të ecur.

Shto pesha

Vishni një jelek me peshë ose mbani pesha të lehta për të rritur më shumë rezistencën e trupit tuaj. Ju gjithashtu mund të shtoni disa ushtrime për forcën në rutinën tuaj të ecjes. Provoni “squats” për të rritur djegien e kalorive dhe për të ndërtuar muskuj. Për çdo 5 minuta ecje, përpiquni të ndaloni dhe të bëni për 1 minutë ushtrime të tilla.

Si të llogarisni kaloritë e djegura gjatë 1 ore ecje?

Një mënyrë tjetër për të gjurmuar kaloritë e djegura kur ecni është duke përdorur një aplikacion që bën këtë llogaritje. Kjo është një mënyrë e thjeshtë e cila kërkon të vendosni moshën, gjininë, peshën dhe nivelin e aktivitetit. Zakonisht, gjurmuesit që mbahen në trup si për shembull një orë ose celulari juaj, llogarisin rrahjet e zemrës, kohën dhe distancën e përshkruar për të gjetur sa kalori digjni.

/AgroWeb.org