Më 14 qershor nisi në Gjermani, Kampionati Europian i Futbollit, Euro 2024.

Është e vështirë të mos përfshihesh nga emocionet e futbollit kur zhvillohet një turne kaq i rëndësishëm.

Për ata që duan të mësojnë më shumë rreth kësaj loje të bukur, LiveFootballTickets ka publikuar një klasifikim të muzeve më të mirë të futbollit që mund të vizitoni në të gjithë kontinentin.

Studimi vlerësoi përshtypjet e vizitorëve në TripAdvisor dhe çmimin e biletës për të përpiluar klasifikimin.

Në vend të parë renditet Muzeu Grek i Futbollit, në qytetin e Chania, i cili u vlerësua si muzeu më i mirë i futbollit në Europë. Hyrja është e lirë dhe vlerësimi është 4.94 sipas përshtypjeve.

Në vend të dytë renditet Muzeu i Yllit të Kuq në Beograd, kurse në të tretin, Muzeu Skocez i Futbollit në Glasgow.

Hyrja në Muzeun e Yllit të Kuq në Beograd është pak më e lirë se në atë të Glasgow (5.10 euro përkundrejt 5.90 euro), por Muzeu i Skocez ka marrë një vlerësim pak më të mirë nga përshtypjet e vizitorëve (4,72 përkundrejt 4,44).

Renditja e 10 muzeve më të mirë të Futbollit në Europë

1. Greek Football Museum, Greqi

2. Red Star Museum, Serbi / Scottish Football Museum, Mbretëri e Bashkuar

4. CR7 Museum, Portugali

5. The Museum of Football, Rumani

6. Museo Del Calcio, Itali

7. German Football Museum, Gjermani

8. Benfica Museum, Portugali

9. FC Porto Museum, Portugali

10. The National Football Museum, Mbretëri e Bashkuar

/ Time Out