Djali i presidentit amerikan Joe Biden, Hunter Biden, rrezikon një dënim prej 25 vitesh burg dhe babai i tij president, thotë se nuk ka ndërmend ta falë. Në intervistën për median amerikane ABC Neës, Joe Biden e bëri të qartë se nëse Hunter dënohet, nuk ka për t’i dhënë amnistinë.

“Djali juaj Hunter është në gjyq dhe më lejoni t’ju pyes, a do ta pranoni rezultatin e jurisë, verdiktin e tyre, pavarësisht se çfarë është?”

BIDEN: “Po.”

Gazetari: “Dhe e keni përjashtuar mundësinë për faljen e djalit tuaj?”

Biddm: “Po”

Hunter Biden akuzohet për përdorim të substancave narkotike dhe armëve të zjarrit. Dëshmia që mund të fundosë djalin e njeriut më të fuqishëm të botës vjen nga kunata e tij me të cilën ka pasur dhe marrëdhënie intime, Hallie Biden.

Në dëshminë e saj para jurisë, Hallie u ndje e turpëruar teksa rrëfente ngjarjet e 6 viteve më parë ku Hunter ishte konsumues i rregullt i lëndëve narkotike. Hallie deklaroi se do të pranonte fajësinë.

“Unë do ta pranoj fajin, nuk dua të jetoj më kështu”, citohet të ketë thënë ajo në sallën e gjyqit.

Hallie Biden është vejusha e Beau Biden, i cili vdiq nga kanceri në vitin 2015.