Në Shqipëri ka vetëm të partive, jo të majtë dhe të djathtë. Tek ne ka autocensurë

Çuçi: Në Shqipëri ka vetëm të partive, jo të majtë dhe të djathtë. Tek ne ka autocensurë

Pedagogia Ornela Çuçi ndan bindjen se në vendin tonë nuk ka ide të majta ose të djathta dhe as të qendrës, por ka parti, ku çfarëdo që thotë partia, duhet mbrojtur ose jo.Edhe nëse nuk ke interesa ose duhet të jesh me njërin, ose me tjetrin. Nëse shkon në ujërat e qeverisë o sa mirë, nëse shkon në ujërat e opozitës o sa mirë prapë.

Në Shqipëri duhet të jesh o këtej o andej. Paçka se në Shqipëri nuk ka të majtë ose të djathë, por marrin ca ide.

Unë kam dalë në televizion për herë të parë për importin e mbetjeve, e kisha studiuar dhe kisha dalë në konkluzion se Shqipëria nuk ka mbetje dhe nëse nuk importojmë nuk mund të riciklojmë dhe këto tonat, këto ishin gjetjet e mia në doktoraturë.

Kur unë dola dhe fola u cilësova direkt e majtë, por unë njësoj kam menduar dhe në qeverinë e djathtë.

Ka qenë importi i mbetjeve, nuk ka lidhje me inceneratorët.

Në një intervistë për emisionin “Bilardo” në MCN TV, ajo tha se nuk mendon se nuk ka tender që nuk mund të gjesh gabime qoftë nga padija, qoftë nga interesat.

Sipas saj duke nisur nga mënyra si është organizuar, se i kemi marrë shumë lehtë, çdo gjëje që ti hysh në shtetin shqiptar mund t’i gjesh gabime.Ti nuk mund të pretendosh që i gjithë komisioni prej shumë njerëzish kanë marrë lekë.

Paragjykimi i sistemit për shkak të kësaj e ka sjellë edhe sot Shqipërinë në një mos menaxhim rrënjësor të të gjithë sistemit të mbetjeve. Se mbetjet menaxhohen me sistem.

Mendoj se jemi pranë një kolapsi të menaxhimit të mbetjeve. Nuk është mirë që nuk kemi incenerim.

Vjet ka rënë disa herë zjarr në landfillin e Vlorës, edhe nëse nuk e vë njeri, mbetjet në landfill janë shumë vështirë të menaxhohen, kanë shumë gaz metan dhe çdo ndezje nga më të vogla përbën reaksion.

Ka që në janar që qeveria ka miratuar një VKM për bërjen e Agjencisë së Mbetjeve, se dikujt duhet ti ngarkohet kjo. Nuk e ka asnjëra nga ministritë aktualisht.

Është bërë me VKM një Agjenci për Menaxhimin e Mbetjeve, sot nuk kemi ende një drejtor. Unë nuk do e pranoja një post të tillë.

Besoj se në këtë moment që jam nuk do e guxoja më e administratën publike, se kuptova se ajo që më ka munguar më shumë është liria dhe nuk mund ta sakrifikoj prapë.

Nuk është censurë që ta bën dikush, është autocensurë për shkak të pozicionit.

Është më tepër respekt për pozicionin që ke për shkak të publikut. Janë diku te 5000 inxhinierë mjedisi të licencuar, por unë isha zëvendësministre.

Mu dha mundësia për të përfaqësuar vendin tim në çdo vend të botës.

Dhe kur thua se ne vend kaq i vogël kemi marrë këtë masë drastike për të ruajtur mjedisin, nuk ka krenari më të madhe.