Mix
Harry Styles dhe Taylor Russell i japin fund lidhjes
GETTY
Harry Styles dhe Taylor Russell i kanë dhënë fund romancës së tyre, raporton People. Këngëtari 30-vjeçar dhe aktorja 29-vjeçare janë ndarë pas thuajse një viti bashkë, pavarësisht burimeve se gjërat mes tyre po shkonin shumë mirë dhe se lidhja ishte serioze.
Burimi për People thotë se Styles është një person shumë privat dhe Russell gjithashtu, ndaj si marrëdhënia, ashtu dhe ndarja e tyre, ka kaluar pa u vënë shumë re. Romanca e dyshes nisi në vitin 2023, kur ata u panë për herë të parë bashkë.
Vitin tjetër, Russell u pa në Vienë, në koncertin e Harry-t, duke kërcyer në sektorin VIP. Më pas, ata drekuan rreth qytetit dhe symprehtët e TikTok-ut e regjistruan momentin, duke e publikuar në rrjetin social.
Russell dhe Styles janë shfaqur bashkë në disa momente, por mesa duket, nuk ia kanë dalë të vijojnë lidhjen e tyre. Më parë, Styles ka qenë i lidhur me regjisoren Olivia Wilde, ndërsa Russell me ish-kolegun e saj, Lucas Hedges.
