Emily Ratajkowski tërhoqi të gjithë vëmendjen në një event bamirësie në Nju Jork. Modelja ktheu kokën me një fustan me një dekolte të pamundur për t’u anashkaluar dhe me shpinën e zhveshur. Në moshën 32-vjeçare, ajo ka hedhur pas kraheve një divorc dhe tani është një nënë beqare – duke rritur një djalë 3-vjeçar, i cili ka sidoqoftë të gjithë mbështetjen financiare të babait të tij, një producent i rëndësishëm hollivudian me një pasuri mbresëlënëse.

Edhe pse është një nga yjet më të admiruara dhe më të dëshiruara të showbiz-it, Emily Ratajkowski nuk ka aspak fat në dashuri. Pas divorcit, ylli u përpoq pa sukses të kishte një lidhje të re serioze. Vitin e kaluar ajo u kap në qytet me 6 meshkuj të ndryshëm në 7 muaj, dhe në listën e saj kishite emra të njohur si Brad Pitt, komediani Pete Davidson apo Harry Styles. Modelja shpresonte për një lidhje serioze me Harry Styles, me të cilin kishte rënë në dashuri, por vetëm pak orë pasi u fotografuan duke u puthur, artisti u kap nga paparacët në shoqërinë e një ish-të dashurës.

Kohët e fundit, Emily nuk është parë më me ndonjë pretendent për “zemrën e saj” në publik, duket nga frika se mund të humbasë kujdestarinë e djalit të saj për shkak të kësaj.

“Njerëzit gjithmonë duan të dinë se çfarë po ndodh në jetën time personale. Unë thjesht dua të sqaroj gjërat. Në një betejë për kujdestarinë, nëse je një nënë beqare që del me burra, nuk dukesh aspak mirë. Gjëja më e rëndësishme për fëmijën tim është që ai të jetë i sigurt dhe të jemi bashkë. Nuk do ta rrezikoja kurrë këtë”, tha Emily.