Edhe Bentley e ndien krizën

Për herë të parë në katër vite, shitjet e makinave Bentley ranë me 11% vitin e kaluar. Shefi ekzekutiv i kompanisë që prodhon makina super të shtrenjta, Adrian Hallmark, e shpjegon këtë rënie me “një nivel të ri të ndjeshmërisë emocionale” te klientela.

“Edhe pse klientët tanë ende mund të përballojnë makinat tona, kishte një nivel të ndjeshmërisë emocionale që ngadalësoi kërkesën”, u shpreh Hallmark.

Vështirësitë shpjegohen me krizën e kostos së jetesës në Britani dhe Evropë, ku inflacioni ka tejkaluar rritjen. Pushtimi rus i Ukrainës e detyroi rajonin të heqë dorë nga mbështetja e tij e madhe tek Vladimir Putin për burime kritike si energjia dhe mineralet, dhe ekonomitë po përpiqen të përshtaten me realitetin e ri. Shitjet e Bentley-t për klientët në Britani dhe Evropë – të cilët së bashku rivalizojnë SHBA-në si tregun e saj më të madh – ranë përkatësisht me 18% dhe 15%.

Megjithatë, 13 560 makinat që shiti Bentley përbëjnë rezultatin e tretë më të mirë të një viti të vetëm.

Bentley shiti 13 560 makina dhe SUV vitin e kaluar, 11% më pak nga viti 2022. Shifrat e shitjeve të Bentley janë të vogla në krahasim edhe me markat më të zakonshme luksoze si Audi – të dyja janë në pronësi të Volkswagen Group – që shiti 1.9 milionë automjete në të gjithë botën vitin e kaluar. Megjithatë, Bentley shet më shumë makina sesa markat më të shtrenjta si Rolls-Royce, e cila shiti pak më shumë se 6000 automjete vitin e kaluar. Ky ishte një rekordi i të gjitha kohërave për makinat Rolls-Royce me një çmim minimal prej rreth 350 000 dollarë.

Vetë Hallmark dha dorëheqjen nga detyra në fund të marsit, në mënyrë që të merrte frenat e prodhuesit britanik të makinave sportive luksoze Aston Martin. Ai pritet të marrë detyrën e CEO-s jo më vonë se tetori i këtij viti. Hallmark e ka drejtuar Bentley-n gjatë një periudhe marramendëse rritjeje, duke i ngritur fitimet nga 288 milionë euronë vitin 2018, kur ai u emërua CEO, në 708 milionë euro dy vjet më parë, për shkak të kërkesës në rritje për modelin Bentayga SUV.