Jeta e Zayn Malik ka ndryshuar në mënyrë drastike gjatë viteve të fundit.

Në vitin 2020, ai u bë baba kur Gigi Hadid solli në jetë vajzën e tyre,  Khai. Dhe në muajt para se ajo të lindte, ai vendosi se donte ta rriste tani 3-vjeçaren në Pensilvani, ku për më shumë se pesë vjet, ai ka në pronësi një fermë jo shumë larg shtëpisë së nënës së ish-it të tij, Yolanda Hadid.

“Kur kuptova se partnerja ime në atë kohë ishte shtatzënë, shpejt vendosa që ky do të ishte një vend i mrekullueshëm për të rritur një fëmijë, sepse ajo ka shumë për të bërë këtu”, tha Zayn për revistën L’ Officiel. “Pra, ne kalojmë shumë kohë jashtë.”

Kjo do të thotë që Zayn dhe Khai, e cila jeton gjysmën e kohës me nënën e saj, mund të lidhen me një sërë aktivitetesh argëtuese në natyrë. “Ne mertemi me kopshtari,” tha ai. “Ajo i pëlqen të bëjë kamp me mua. Ne gatuajmë jashtë. Peshkojmë. Dhe ajo e do shumë këtë. Shpresojmë, që ne mund të krijojmë disa kujtime të mrekullueshme këtu.”-tha Zayn, i cili u nda me Gigi-n në vitin 202. “Më pëlqen kopshtaria. Fillova të merrrsha me kopshtari kur u transferova këtu, ndoshta rreth shtatë vjet më parë,” tha ai. “Dhe tani mund ta ndaj atë përvojë me të, sepse jam pak më mirë.”

Khai, thotë ai, “po fillon të kuptojë se Baba këndon dhe Baba bën muzikë.” Dhe ajo mund të ndjekë gjurmët e tij. “Khai tashmë ka shumë aftësi të lindura në muzikë”, vuri në dukje Zayn.

“Ajo kujton çdo tekst të çdo kënge që i pëlqen”, vazhdoi ai. “Ajo mban mend notat e akordit. Mezi pres të shoh se çfarë do të jetë në gjendje të bëjë ndërsa të rritet.”