Kia EV9 triumfoi në kategorinë e makinave elektrike në New York Auto Show. Zbuloni më poshtë fituesit e kategorive të ndryshme.

Ashtu si çdo vit, Salloni i Makinave në Nju Jork hapet me “World Car Awards” (çmimet për makinat më të mira të vitit).

Ky konkurs ndërkombëtar, në vitin e tij të njëzetë, vlerëson modelet e reja më të rëndësishme në disa kategori.

Çmimet jepen nga një juri prej 102 gazetarësh nga e gjithë bota.

“Mbretëresha” e “World Car Awards” në vitin 2024 është Kia EV9, SUV më i madh elektrik i shtëpisë automobilistike koreane.

Më poshtë janë të gjitha makinat fituese në kategori të ndryshme.

Makina e vitit

Siç e thamë, çmimin e parë e fitoi Kia EV9, forma personale e së cilës, hapësira e brendshme dhe motori i fuqishëm (deri në 384 kuaj fuqi) bindën jurinë.

Vendin e dytë e fitoi kompania kineze, BYD Seal, kurse të tretin, Volvo EX30, SUV elektrik kompakt i prodhuesit suedez.

Ho Sung Song, president dhe CEO i Kia, deklaroi: “Jemi jashtëzakonisht tw nderuar që EV9 2024 u zgjodh si Makina e Vitit dhe Makina Elektrike e Vitit.

Triumfi dëshmon përkushtimin tonë të palëkundur për të shtyrë kufijtë e teknologjisë dhe përsosmërisë së dizajnit.

Suksesi i vazhdueshëm i Kia EV9 do të na nxisë të vazhdojmë të ofrojmë automjete të jashtëzakonshme, që ripërcaktojnë përvojën e drejtimit për klientët në mbarë botën”.

Makina me dizajnin më të mirë e vitit

Fitorja e Toyota Prius si “makina me dizajnin më të mirë” është ndoshta një nga surprizat e konkursit të këtij viti.

Makina hibride (që është edhe e rikarikueshme) la pas Ferrari Purosangue dhe Ford Bronco.

Makina e qytetit e vitit

Në kategorinë e makinave të qytetit triumfoi Volvo EX30, një nga makinat elektrike më interesante të momentit në segmentin e vet, me çmime që fillojnë nga 33.795 paund dhe motor deri në 428 kuaj fuqi.

E dyta renditet BYD Dolphin (një tjetër model 100% elektrik), ndërsa në vendin e tretë renditet Lexus LBX, crossover hibrid i bazuar në mekanikën e Toyota Yaris Cross.

Makina premium e vitit

Në mesin e makinave premium, fituese është modeli i ri BMW Serie 5, me versionin elektrik i5.

Pas saj renditen Mercedes Classe E (i disponueshëm në një gamë të gjerë motorësh elektrikë, duke përfshirë naftën) dhe SUV elektrik EQE.

Makina elektrike e vitit

Një “surprizë e dyfishtë” për Kia EV9, e cila fitoi edhe në kategorinë e modeleve 100% elektrike.

SUV korean la pas makinat konkurrente BMW dhe Volvo EX30.

Makina sportive e vitit

Në fund çmimet për makinën sportive të vitit. Fituesi i këtij viti është Hyundai Ioniq 5 N. Në podium edhe BMW M2 dhe XM.

/ Motor 1