Radar
Rinia në emigrim, Rama bën anëtare të PS-së 100-vjeçaren në Lushnjë
Kryeministri Edi Rama i ka dorëzuar personalisht kartën e re të antarësisë një gruaje të moshuar që më 7 mars mbushi 100 vjeç.
Rama shkoi në shtëpinë e 100 vjeçares dhe i dorëzoi kartën me numrin 001, pra anëtarja e parë e Partisë Socialiste.
“ E kisha merak të vija ta jepja vetë kartën. Thashë do shkoj t’ja jap kartën në shtëpi. Se për ju nuk kisha ardhur. 100 vjeçe është pararoja e PS-së”, tha Rama ndër të tjera.
Duket se Rama ka nisur të zëvendësojë me të moshuar të rinjtë që po largohen vit pas viti, fenomeni i emigracionit që po merr përmasa alarmante dhe po përfshin segmente të shoqërisë me aftësi.
Sipas anketës kombëtare të emigracionit në familje, për vitet 2011-2019, të realizuar nga INSTAT dhe disa organizata ndërkombëtare rreth 50% e afro 177 mijë qytetarëve të larguar, janë të rinj të moshës 15-29 vjeç. Sipas studiuesve të fushës, arsyet kryesore lidhen me varfërinë, mungesën e punësimit dhe të zhvillimit në karierë.
