Princ Leka ka nisur një jetë të re me gazetaren Blerta Celibashi, por ata nuk jetojnë në Pallatin Mbretëror për shkak se Elia Zaharia la refuzuar të largohet. Princ Leka mësohet se pas konflikteve jeton aktualisht me qira. Sipas ligjit të trashëgimisë, Elia beson se përsa i përket asaj, është duke trashëguar pasurinë që i takon vajzës.

Do të jetë gjykata ajo që do të japë verdiktin, ndërsa pas sherrit që u bë publik, Princi Leka nuk ka bërë ende asnjë koment.

Elia Zaharia ka reaguar në “Breaking” me Dafina Hysën për situatat e dhunës dhe tensionet me Princ Lekën.

Ajo u shpreh se ka reaguar në atë mënyrë për të mbrojtur babin, i cili kishte 10 ditë që po kujdesej për vajzën e vogël të Elia Zharaisë dhe Princ Lekës.
Elia Zaharia vijoi më tej duke thënë se po jeton në Pallatin Mbretëror pasi ish-bashkëshorti i saj e braktisi. 

“Të jesh e bindur që më panë sytë babin të sulmohej dhunshëm dhe mu gris shpirti. Të gjitha provat e dhunës janë në trupin e tij e prokuroria e gjykata i disponon të gjitha. Ti them këto pasi është e rëndësishme që njerëzit që më mbështetën publikisht, duke marrë edhe koston e urrejtjes së partizanëve të palës tjetër, të dinë në thelb që po mbrojnë një njeri që ‘u hodh në fyt’ në mbrojtje të prindit. Asnjë çështje prone nuk ka në mes, çdo gjë është e përcaktuar.

As uzurpim nuk ka, unë me vajzën jetojmë në shtëpinë familjare të cilën ai e braktisi, e kjo deri sa apartamenti që i dha vajzës të ndërtohet! E gjitha kjo sipas kodit të familjes ku mendohet interesi më i lartë i fëmijës. Babai im kishte 10 ditë që kujdesej për mua e për vajzën, se kam qenë me temperaturë e nuk kujdesesha dot. Çfarë nuk me kanë dëgjuar veshët këto ditë! Unë nuk kam as parti, as partizane, që të dalin të më mbrojnë, kam vetëm të vërtetën time”, deklaroi Elia.