Shkodra denoncon Saliun e Lulin

Shkodra denoncon Saliun e Lulin Nga Indrit Vokshi

Erdhi dita që Edi Rama shkon në Shkodër, fle në Shkodër, zgjohet në Shkodër, flet nga Shkodra, sepse ka fituar në Shkodër. Ia dhanë ketë mundësi.

Për 30 vjet “liderat e demokracis” vetëm buk e cirk, vetëm histori e legjenda, vetëm Shkodra e vots s’lir, Shkodra qi nuk shitet, Shkodra djepi i kësaj e krevati i asaj, vinin në Tiranë, mos kini marak se Shkodra nuk lun e kena t’marrun.

Veç për me pas t’marrun post për vete. E më e bukura, askush nuk mban përgjegjësi për humbjen në Shkodër, aq më tepër që nuk është edhe humbja e parë, në 2021 psh qarku doli 6-5 për partitë e majta, aty nisi humbja. Saliu, Luli, Jozi e gjithë këta tipa, duhej të iknin vetë, pa vënë askënd në detyrimin për besnikëri.

Të iknin se humbën Shkodrën. Pastaj humbën Tropojë, Kukës, Vaudejs, Lezhë, Kurbin…! Sali e Lul kanë 6 palë humbje (2013, 2015, 2017,2019, 2021, 2023) dhe as e kanë ndërmend të mbajnë ndonjë përgjegjësi. Njërit ia ka vjedhur regjimi drogs, këtij tjetrit, trekëndëshi i Bermudës i ka bërë komplot (trekëndëshi e ka bërë 3 herë ministër, kryebashkiak e kryepartiak, komplot i madh…).

E prandaj nuk mban askush përgjegjësi, jo veç për të shkuarën por edhe për të sotmen e cila është veç përsëritje e të shkuarës.

Me 6 palë zgjedhje të humbura, së bashku e veç e veç, prapë nuk ikin, duan të shkojnë se sbën edhe drejt humbjes 7.Fundja kanë të drejtë, kush mund të humbë më mirë sesa këta?

Me 6 palë rresht, janë tashmë profesionistë të humbjes. Ndaj vetëm këta dinë të humbin.