Ashendenti është shenja që përcaktohet në momentin që ti lind. Ajo nuk ka lidhje fare me shenjën e horoskopit që ju ka përfaqësuar deri më sot.

Ashtu si Dielli që përcakton shenjën e tij gjatë rrugës së ekliptikës, edhe Toka duke bërë rrotullimin e saj për rreth 24 orë në jep shenjën e saj e cila quhet Ashendent ose shenja e lindjes (e orës së lindjes). 

Ashendenti është shenja zodiakale e cila po shfaqej (ngritej) në horizontin lindor në momentin e lindjes së njeriut (një individi) dhe zhduket në horizontin perëndimor.

Kjo shenjë e bazuar në orën e saktë të lindjes është po aq e rëndësishme sa shenja diellore, madje disa astrologë mendojnë se është edhe më e rëndësishme se Dielli. Në vende të ndryshme të botës, disa shenja duken se qëndrojnë më gjatë në horizont për shkak të këndvështrimit të rrotullimit të Tokës. Ashendenti (apo shenja ne Ngritje) na tregon mënyrën sesi e orientojmë vetveten për të përballuar botën dhe jetën. Thuhet se shenja Ashendent na tregon pamjen fizike dhe temperamentin.

 Nëse nuk dini orën e lindjes, atëherë do të ishte e pamundur të zbuloni shenjën tuaj Ashendent. Në bazë të kësaj shenje e ardhmja mund të parashikohet më lehtë. Sa me e saktë të jetë ora e lindjes, aq me i saktë do të dalë edhe parashikimi i fatit apo karakterit. Mundësisht një person duhet ta dijë se në cilën orë ka lindur, por nuk duhet të gabojë orën më shumë se 15 – 30 minuta. Dhe nëse e dini orën e saktë me jo më shumë se 4 minuta gabim atëhere çdo gjë do të jetë tepër e saktë sepse 1 gradë e Ashendentit është e barabartë me rreth 4 minuta.

Zbuloni ashendentin tuaj duke vendosur të dhënat tuaja personale në linkun më poshtë (datën dhe orën e lindjes, si dhe qytetin e lindjes).

Whats my ashende

Të dhënat do t’ju dalin në anglisht por ja ku keni dhe përkthimin për ta kuptuar më qartë.

Aries = Dashi; Taurus -=Demi; Gemini= Binjakët; Cancer =Gaforrja; Leo =Luani; Virgo =Virgjëresha; Libra = Peshorja; Scorpio = Akrepi; Sagittarius = Shigjetari; Capricorn =Bricjapi; Aquarius = Ujori; Pisces =Peshqit